اسلامی حزبی رهبری گلبدین حکمتیارنینگ ایتیشیچه، نمایندهلر کینگشینینگ سیلاوی ساختهکارلیکدن تولیق بولگن و بو سیلاو آرقلی تشکیل بولگن کینگش، یشاوچیلر اِیستگی نی تمثیل قیلهآلمهیدی.
بوگون «پنجشنبه» حکمتیار جنابلرینینگ خبری بیر ییغینده ایتیشیچه، افغانستان دولتی سیاسی حزبلرنینگ اِیستگیگه ایجابی جواب بیرمهی و جمهورلیک ریاستی سیلاوی ساختهکارلیک و جعلکارلیک بیلن بولیب اوتگن صورتده، اولر قدرتنی موقت حکومتگه انتقال بیریشدن باشقه یولی یوق.
اسلامی حزب رهبری، قدرتنینگ موقت حکومتگه انتقال بیریلیشی سیلاو تنیقلیگی اوچون بولیشی ممکن دیب اورغولهیدی و موقت حکومت رأسیده قرار تاپگن کیشی جمهورلیک ریاستی سیلاویگه نامزد بولمهیدی.
حکمتیار جنابلریگه کوره، نمایندهلر کینگشی سیلاوی ساختهکارلیکدن تولیق و کوپینچه کمچیلیکلر بیلن بولیب اوتگن و سیلاونینگ نتیجهسی موقع بیلن اعلام بولمهگن صورتده، رشوه و پاره گه فرصت یرهتیلهدی.
افغانستان اسلامی حزب رهبرینینگ کوپهیتیریشیچه، 37 تأثیرلی بولگن سیاسی حزبلر ملی کیلشو جماعه نامی آستیده، یقین پیتده نمایندهلر کینگشی سیلاوی توغریسیده موقفلرینی اعلام قیلهدیلر.
حکمتیار جنابلرینینگ ایتیشیچه، جمهورلیک ریاستی سیلاوی توغریسیده آمریکا، چین و هند مملکتلری بیلن صحبت اوتکزگنلر و اولر، سیاسی حزبلرنینگ حمایتیده نامزد بولگن کیشیدن حمایت قیلهدیلر.
افغانستان اسلامی حزبی رهبری جمهوررئیس غنینینگ نمایندهلر کینگشی و جمهورلیک ریاستی سیلاوی خصوصیده سیاسی حزبلر حضوری بیلن کته بیر ییغین یولگه قوییلیشی توغریسیده وعده خلاف لیککه عیبلهیدی.
قدرت، موقت حکومتگه انتقال بیریلشی توغریسیده جمهورلیک ریاستینینگ فکرینی اورگهنیش ایستهدیک بیراق، جمهورلیک ریاستی سوزلاوچیسی اورینباسری شاهحسین مرتضوی بو توغریده صحبت بیریشدن اوزاقلشگن.