زابل ولایتی‌نینگ میزان تومنی یشاوچیلریدن بیرقطارینینگ ساغلیق امکانیت‌لر کم‌لیگی‌دن خواطر بیلدیریب ایتیشیچه، ساغلیق امکانیتلرنینک کملیگی، اولرگه قرشی قیینچیلیک یره‌تگن.
میزان تومنینینگ یشاوچیلریگه کوره، ساغلیق امکانیتلرنینگ کملیگی باعث، بو تومن یشاوچیلری کسللرینی کوپینچه قیینچیلیک بیلن اوشبو ولایت مرکزیگه انتقال بیرهدیلر.
اولرنینگ ایتیشیچه، کوپ قطار کسللر قلات شهرینینگ اوزاقلیگی و جاده‌لرنینگ خرابلیگی سبب یولگه جان بیرهدیلر.
بیراق زابل ساغلیقنی سقلش باشلیغی لعلمحمد توخینینگ ایتیشیچه، زابل ولایتی‌نینگ بوتون تومنلریده ساغلیقنی سقلش مرکزلر فعال دیر و اوشبو ولایت کوپ قطار یشاوچیلری مذکور مرکزلرگه مراجعت قیلهدیلر.
جناب توخی گه کوره، زابل یشاوچیلریدن یالغیز 20 فایزی ساغلیق خذمتلرگه قول تاپهآلمهیدیلر.
زابل مملکت ناتینچ ولایتلریدن بیری بولیب و گاهگاهی اوشبو ولایت قتناو یوللریده ترافیکی واقعه هم یوز بیرهدی و مذکور واقعهلرنینگ یرهدارلری درمانلنیش اوچون زابل ولایتی‌نینگ مرکزی قلات شهریگه انتقال بیریلهدی.
