جاغوری تومنیده اوروش کمهیگندن سونگ، ولایتی کینگش اعضالرینینگ ایتیشیچه، قورالی طالب‌لر ایکی تاماندن مالستان تومنی اوستیگه هجوم قیلگنلر و حاضرده امنیتی کوچلر و قورالی طالب‌لر آرهسیده اوروشنینگ دوامی بار.
غزنی ولایتی کینگش باشلیغی لطیفه اکبرینینگ ایتیشیچه، قورالی طالب بوگون "شنبه" اوروشنی مرادینه بازاریگه تارتیب و هجوملرینی تومن مرکزی اوستیگه باشلهگن.
عینحالده، مالستان تومنی یشاوچیلریدن بیرقطارینینگ ایتیشیچه، قورالی طالب‌لر تومن بیر کیلومترلیگیگه یقیینلشگن و مسکونی اویلرده سنگر آلیب امنیتی کوچلرنی هدف قرار بیرهدیلر. اولر، مالستان امنیتی مسووللرینینگ ایش سیزلیگیدن تنقید قیلهدیلر.
مالستان یشاوچیلریدن ایکی تهسی خالقداد فطرت و طاهر رحمانی اوروش ساحهسیگه حضور تاپگنلر. اولرنینگ ایتیشیچه، قورالی طالب‌لر تومن غربیده جایلشگن و مسکونی اوی و مسجدلردن سنگر عنوانیده قولنهدیلر.
مالستان محلی مسووللری و غزنی پولیس قومندانی فکرینی آلیش اوچون سعی و حرکت قیلدیک بیراق موفق بولمهدیک. عینحالده، غزنی حاکمینینگ سوزلاوچیسی محمدعارف نوری طالبلرنینگ مالستان تومنیدهگی هجوملرینی رد قیلهدی و اوشبو موضوعنی تبلیغاتی اوروش عنوان قیلهدی.
