.JPG)
ننگرهار ولایتینینگ رودات تومنی یشاوچیلریدن بیرقطارینینگ ادعا قیلیشیچه، اوتگن کیچه مذکور ولایتده امنیتی کوچلر تامانیدن اویوشتیریلگن عملیات ده 14 تینچ اهالی هلاک و باشقه 2 تینچ اهالی یرهلنگن.
ننگرهار یشاوچیلری، ناراضیلیک نمایش یولگه قوییب تورخم-جلالآباد قتناو یولینی نیچه ساعت باغلهگنلر.
آتی فاش ایتیلیشینی ایستمهگن امنیتی بیر منبع نینگ ایتیشیچه، اوتگن کیچه رودات تومنیده ملی خوفسیزلیک ریاستینینگ 02 قطعهسینی خاص کوچلرینینگ عملیاتی نتیجهسیده 16 تینچ اهالی هلاک ایتیلگن.
بیراق، ننگرهار حاکمی سوزلاوچیسی عطاالله خوگیانی نینگ ایتیشیچه، اوتگن کیچه ملی خوفسیزلیک ریاستینینگ خاص کوچلرینی عملیاتیده هلاک ایتیلگن کیشیلرنینگ کیملیگی بیللی بولیشی اوچون اولر بیر هیأت تعیین قیلگن.
.JPG)
عین حالده، رودات تومنیده یوز بیرگن واقعهنی تیکشیرووچی هیأت اعضاسی حبیبالله نینگ ایتیشیچه، اوشبو واقعهده هلاک بولگنلر و یرهلنگنلرنینگ برچهسی تینچ اهالی دیر و دولت گه قرشی قوراللی عصیانچیلر بیلن هیچ قندهی علاقهلری یوق ایکن.
شونینگدیک، جاری هفته دوشنبه کونی ننگرهار ولایتینینگ سرخرود تومنیده امنیتی کوچلرنینگ عملیاتیده 5 تینچ اهالی هلاک ایتیلگن ایدی.
