.jpg)
خوست یشاوچیلریدن یوزلرچهسی، سیلاو کونیده مذکور ولایت قطار آواز بیریش مرکزلرینینگ یاپیق بولگنی باعث نارضلیک بیلدیریب و اوشبو ولایت قطار تومنلرینینگ قتناو یوللرینی ساعتلرچه یاپیب قویگنلر.
ناراضچیلرنینگ ایتیشیچه، متون تومنینینگ مهدیخیل منطقهسیده، بیر آواز بیریش مرکزده 2400 کیشی رویخطکه آلینگن ایدی؛ بیراق سیلاو کونیده باشقه محلدن 600 کیشینینگ رویخطی بو مرکزگه انتقال بیریلیب و مذکور مرکزگه رویخطکه آلینگن 2400 کیشینینگ آواز بیریشدن محروم قالیشیگه سبب بولگن.
اولرنینگ ایتیشیچه، امنیتی نهادلر و سیلاولر ایرکین کمیسیونی بیللی نامزد منفعتیگه قولابکارلیک قیلگن.
ناراضچیلرنینگ ایتیشیچه، شکایتلرینی سیلاولر ایرکین کمیسیونی بیلن شریک قیلگنلر؛ بیراق اوشبو کمیسیون مسووللری شکایتلریگه دقت قیلمهگن.
خوست ولایتیده سیلاولر ایرکین کمیسیونینینگ مسوولی شاهجهان سرداری، اهالینینگ رویخطنی ناتوغری شکلده یوباریلیشی خصوصیده قیلگن ادعالرینی تصدیقلیدی و اوشبو قیینچیلیکنینگ باشقه ولایتلرده هم یوز بیرگنینی ایتهدی.
خوست ولایتیده سیلاولر ایرکین کمیسیونی مسووللرینینگ ایتیشیچه، سیلاوده اشتراک قیلیش اوچون 250 مینگ کیشی رویخطکه آلینگن ایدی، بیراق یالغیز 30 مینگ کیشی سیلاوده اشتراک قیلگن.
