بوگون «سه‌شنبه» کابل‌ده قوشنی مملکت‌لر و افغانستان چیگره‌لریده انسان قاچاقی‌گه قرشی کوره‌ش خصوصیده، مدنی جماعه‌چیلیک اداره‌لری آره‌سیده همکارلیک‌نی کوچلنتیریش نامی‌ده ییغین یولگه قوییلدی.
اوشبو ییغینده عدلیه وزیری عبدالبصیر انورنینگ ایتیشیچه، انسان قاچاقی گه قرشی کوره‌ش خصوصیده، منطقه‌یی ترماقلر ایجاد ایتیلیشی منفت‌لی دیر و هیچ بیر مملکت یالغیزلیک‌که انسان قاچاقی گه قرشی کوره‌شه آلمه‌یدی.
عدلیه وزیری نینگ کوپه‌یتیریشیچه، 2014- ییل‌ده‌گی اقتصادی قیین‌چیلیک، تینچ‌سیزلیک و ایش سیزلیک باعث، مملکت یشاوچیلریدن کوپینچه‌سی قاچاق شکلده مملکت دن قاچگن‌لر.
اونگه کوره، انسان قاچاقی‌گه قرشی کوره‌ش یالغیز حکومت، مدنی جماعه‌چیلیک، اداره‌لر و خاص بیر مملکت‌نینگ مسؤولیتی ایمس دیر؛ بلکیم برچه بیردیک بولیب بو موضوع گه قرشی کوره‌شیشی کیره‌ک.
انورنینگ کوپه‌یتیریشیچه، اوشبو وزیرلیک 1390- ییل‌دن بویان انسان قاچاقی‌گه قرشی کوره‌شنی باشله‌گن و بو توغریده یخشی یوتوقلر قولگه کیریتگن.
عدلیه وزیری گه کوره، بو وزیرلیک انسان قاچاقی گه قرشی کوره‌ش جزا کودی‌نی هم جاری میلادی ییل 15- فیبروری ده نافذ قیلگن.
افغانستان بوییچه خلق ارا مهاجرلیک تشکیلاتی باشلیغی لورنس هارت نینگ ایتیشیچه، قاچاق بولگن‌لر و مهاجرلرنینگ دقیق معلوماتی اوچون بیر دیتابیس لازم و بو دیتابیس افغانستان حکومتی گه بیریله‌دی.
هارت گه کوره، بیر مملکت‌نینگ برچه یشاوچیلری، دولتی و غیر دولتی اداره‌لری بو موضوع گه قرشی کوره‌ش خصوصیده، مسؤول دیر.
اوشبو ییغین ترکمنستان، اوزبیکستان، تاجیکستان، پاکستان و افغانستان مدنی جماعه‌چیلیک اداره‌لرینی اشتراکی‌ده یولگه قوییلگن ایدی و افغانستان مدنی جماعه‌چیلیک اداره‌سی انسان قاچاقی‌گه قرشی کوره‌ش خصوصیده، منطقه‌یی ترماق اعضالیگی‌نی قولگه کیریتگن.
بو ییغین اوتگن ییل تاجیکستاندن یولگه قوییلگن ایدی و میلادی 2019- ییل پاکستانده یولگه قوییلیشی توغریسیده قرار قیلینگن.
