.jpg)
افغانستان امنیتی کوچلری و طالب‌لرنینگ آره‌سیده یوز بیرگن آتیشمه‌لر و قوروقچیلیک باعث، یوزلرچه عایله بادغیس ولایتی‌نینگ مرکزی قلعۀ‌نو شهری گه بدرغه بولگن‌لر. اوشبو عایله‌لرنینگ ایتیشیچه، کونده نیچه باله ییگولیک آذیق-آوقت یوقلیگی و هوا ایسیق‌لیگی باعث، هلاک بوله‌دیلر.
اولرگه کوره، محلی اداره و یاردم بیرووچی مؤسسه‌لر یالغیز نیچه عایله گه 6 مینگ افغانی یاردم بیرگن و قالگنینی ییماققه قوروق نانی هم یوق دیر.
شونینگدیک، بادغیس ولایت کینگشی، مذکور ولایت‌نینگ ناتینچ تومنلری یشاوچیلریدن کوپینچه‌سی بدرغه بولگنینی خوطرالی بیلیب و اولرنینگ وضعیتی گه دقت قیلینیشی‌نی طلب قیلگن.
.jpg)
عین حالده، سلام‌وطندارگه صحبت بیرگن بادغیس ولایتی‌نینگ مهاجرلر و باش پناه ایزلاوچی‌لر ریاستی‌نی سرپرستی عبدالظاهر بادغیسی‌نینگ ایتیشیچه، بدرغه‌لرگه یازدم ییتکزیش خصوصیده، سعی و حرکت‌لر دوام ایتماقده.
شونینگدیک، بادغیس حاکمی سوزلاوچیسی جمشید شهابی نینگ ایتیشیچه، طبیعی حادثه‌لرگه قرشی کوره‌ش اداره‌سی و یاردم بیرووچی مؤسسه‌لر بدرغه بولگن‌لرگه پول، خیمه و دارو ترقه‌تگن.
بادغیس اوتمیش‌لرده مملکت نینگ بیر آز تینچ ولایت‌لریدن بیری ایدی؛ بیراق سونگی ییل‌لرده اوروش کینگه‌ییشی بو ولایت‌نی هم تینچ قویمه‌گن.
