بدخشان ولایتی کینگش اعضاسی احمدجاوید مجددینینگ سلاموطندارگه ایتیشیچه، طالبلر چکهسیده حکومت گه تیگیشلی قورالی گروهلر محلی پولیس و مردمی کوچلر آتیده زور بیلن یشاوچیلردن عشر توپلهیدی.
جناب مجددینینگ ایتیشیچه، بو موضوع نی نیچه مرته امنیتی نهادلر و محلی حکومت بیلن شریک قیلگن؛ بیراق هیچقندی دقت بولمهگن.
بهارک تومننینگ یشاوچیلریدن بیری عبدالغنینینگ ایتیشیچه، عشر بیرمهگنی سبب محلی پولیس تامانیدن جزا لنتیریلگن.
جناب عبدالغنی گه کوره، محلی پولیس و مردمی کوچلر ایکینزارلر گه باریب زور بیلن اهالیدن عشر آلهدیلر.
بدخشان پولیس قومندانی محمدصابر آریننینگ اوشبو ادعالرنی طالبلر گه نسبت بیریب ایتیشیچه، طالبان گروهی کنترولی گه بولگن منطقهلردن عشر توپلهیدی.
بدخشان پولیس قومندانی گه کوره، حاضرگهقدر بو توغریده رسمی شکایت بولمهگن.
بدخشان ایکینچیلرینینگ ایتیشیچه، طالبان گروهی و دولت گه تیگیشلی بولگن قورالی گروهلر تامانیدن عشر توپله‌ش ایکنچیلر گه قرشی قیینچلیک یرهتگن.
اولرگه کوره، حکومت اوشبو ظلم و زورهوانلیککه توسیق بولمهگن حالده، اوی و محللرینی ترک قیلیب کیتهدیلر.
