افغانستان ملی بیرلیک حکومت اجرائیه باشلیغی عبدالله عبدالله نینگ ایتیشیچه، ترورچی گروهلر دولت گه قوشیلگنده هم اولرنینگ جنایت‌لری کیچیریلمه‌یدی.
بوگون «دوشنبه» وزیرلر کینگشی‌ده نطق سوزله‌گن عبدالله، ترورچی‌لرنینگ جنایت‌لری کیچیریلمه‌سی اوستیگه تأکیدلب ایتیشیچه، دولت گه تسلیم بولگن داعش جنگریلری بیلن اوروش‌ده توتقونگه آلینگن‌لر کبی یانده‌شیلیشی لازم، چونکه بو گروه اوچون شمال ده تسلیم بولیش‌دن باشقه هیچ بیر یول قالگن یوق ایدی.
شونینگدیک، عبدالله عبدالله ایریم منطقه‌لر طالب‌لرگه تاپشیریلیب و امنیتی کوچلر او ییرلردن چقیریلیش مسئله گه اشاره قیلیب ایتیشیچه، بو موضوع اهالی گه تیگیشلی بوله‌دی.
اجرائیه باشلیغی‌نینگ کوپه‌یتیریشیچه، ترورچی گروهلر و قوراللی عصیانچیلر افغانستان اهالیسی بیلن اوروش‌ده بولگنده، دشمن سنله‌دی.
اوشبو بیانات‌لر ایش بیلرمانلردن بیرقطاری، ترورچی گروهلرنینگ برابریده افغانستان حکومتی‌نینگ حرکتی‌نی دایما خوشبین‌لیک دیب تورگن بیرچاغده، بیان ایتیلگن. ایش بیلرمانلرگه کوره، قوراللی گروهلر افغانستان دولتی گه قنده‌ی بیر شکلده قوشیلیشی خصوصیده، حاضرگچه توغری و تنیق بیر مکانیزم یوق دیر.
