جمهورلیک ریاستینینگ بیرینچی اروین باسری جنرال عبدالرشید دوستم 14 آی دن سونگ مملکت شمال و شمالشرق ولایتلرینینگ یشاوچیلری نی 20 کونلیک ناراضلیکلریدن سونگ بوگون "یکشنبه" ترکیه دن کابلگه کیلدی.
جناب دوستم کابل هوا قونالغهسیده جمهور رییس ایکینچی اورین باسری سرور دانش، بلخ سابق حاکمی عطا محمد نور، اجراییه ریاستینینگ ایکینچی اورین باسری محمد محقق و یوزلرچه طرفدارلری تامانیدن خوش قرشیلهنیب و اوندن سونگ صدارت قصریده حضور تاپیب طرفدارلری حضوریده صحبت قیلدی.
جمهورلیک ریاستی بیرینچی اورین باسرینینگ ایتیشیچه، فاریاب ولایتیده صورت تاپگن واقعه ناعادلانه بولیب و منعفت لرینی خطر گه کورگن شخص لرنینگ ناتوغری گزارشلری اساسیگه مذکور واقعه صورت تاپگن.
جنرال عبدالرشید دوستمنینگ ایتیشیچه، پارلمانی و تومنلر کینگش سیلاولری اونملی و اساسی موضوع لردن دیر، و اوشبو لایحهنینگ تینج فضا ده بولیب اوتیشی کیرک.
او طرفدارلریدن، ناراضلیکلریگه اداغ بیریب و تحصین خیمهلرنی توپلهش بیلن عادی ایشلری و تحصیل لریگه دوام بیریش نی سورهگن.
مملکت شمال و شمالشرق ولایتلرینینگ یشاوچیلری، کیمده 20 کون آلدن جنرال دوستمنینگ فاریاب ولایتی دهگی حربی نمایندهسی نظامالدین قیصارینینگ امنیتی کوچلر تامانیدن قولگه آلینگنی توغرسیده ناراضلیک نمایش یولگه قوییب جناب قیصارینینگ قوییب یوباریلیشی و جنرال دوستمنینگ مملکتگه قیتیب کیلیشی نی سورهگن.
