افغانستانده تالاسمی کسل‌لیگی درمان بولمه‌یدی. شو یوزه‌دن، باله‌لرنینگ آره‌سیده بو کسل‌لیک رواجلنگنی اهالی‌نی خواطرگه سالگن.
10 یاشیدن بولگن حنانه آتلی قیزنینگ قارنی عادی حالت‌دن تشقری کته بولیب و حاکمیتی‌نی برهم اورگن؛ رنگی اوچیب و قیین‌لیک‌ده نفس آله‌دی. تیریک قالیشی اوچون هر هفته اونگه قان اوتکزیش کیره‌ک. بیراق، کم‌بغل‌لیک و قشاقلیک حنانه گه باشقه‌لردن قنده‌ی قیلیب قان طلب قیلیش‌نی اورگتگن.
حنانه‌نینگ آنه‌سی، اونگه اوچ آیلیک حامله بولگن چاغیده، تورموش اورتاغی ایش تاپیش اوچون ایران گه سفر قیلگن؛ بیراق اولیم وقت بیرمه‌یدی و اوشه ییرده اوله‌دی. حاضر حنانه‌نینگ آنه‌سی باشقه‌لرنینگ اویلریده ایش قیلیب و 4 فرزندی‌نینگ خرجتی‌نی تأمین قیله‌دی؛ ایکی اوغلی ایلگریدن تالاسمی گه چالینیب هلاک بولگن و حاضر آنه‌سی‌نینگ بار امیدی حنانه درمان بولیب و ساغه‌ییب کیتیشی دیر.
حنانه‌نینگ آنه‌سی و کسل‌دارلردن کوپینچه‌سی، مزارشریف‌ده بوعلی سینا حوزه‌یی کسلخانه‌سیده امکانیت کم‌لیگی‌دن شکایت قیله‌دیلر.
بلخ ولایتیده ساغلیق‌نی سقلش ریاست باشلیغی میرویس ربیع نینگ ایتیشیچه، تالاسمی کسل‌لیگی درمان بوله‌دیگن بیرینچی یول، سویک مغزینی پیوند قیلیش دیر و بونده‌ی عمل امکانیتی نه‌فقط افغانستان، بلکیم دنیانینگ کوپینچه مملکت‌لریده موجود ایمس دیر. عین حالده، جناب ربیع نینگ ایتیشیچه، ساغلیق‌نی سقلش ریاستی قان بانک‌لری آرقه‌لی، منظم شکلده تالاسمی گه چالینگن باله‌لرگه قان اوتکزه‌دی.
بلخ ولایتیده حاضر تالاسمی گه چالینگن 193 باله مراقبت آستیده بولگن.
جناب ربیع نینگ ایتیشیچه، ابن‌سینا حوزه‌یی کسلخانه‌سیده DNA معاینه‌سینی امکانیتی موجود دیر و اولر تالاسمی کسل‌لیگی گه چالینگن کسل‌لرگه سویک مغزی پیوندی اوچون یاردم بیره‌دیگن‌لرنینگ DNA معاینه‌سینی قیله آله‌دی.
بونگه قوشیمچه، اونینگ کوپه‌یتیریشیچه، مذکور کسلخانه‌ده باله‌لر بولیمی‌ده تالاسمی کسلی گه چالینگن باله‌لر مناسب امکانیت بیلن ایری بولیم ایجاد ایتیلگن و شونینگدیک، داکترلر و پرستارلر، بو بولیم اوچون تخصصی تعلیمات‌لرنی آلگن، بیراق امکان بولگن صورتده، کسل‌لر ایران گه انتقال بیریلیشی اوچون ییترلیچه هماهنگ‌لیک بولگن.
ایران ده تالاسمی کسل‌لیگی سویک مغزی پیوندی بیلن درمان بوله‌دی. باله‌لر بنیادی، بلخ ولایتی‌نینگ ساغلیق‌نی سقلش ریاستی کام‌ایر هوایی شرکتی، پاسپورت ریاستی و خیرلی کیشی‌لر همکارلیگی‌ده حاضرگچه 12 باله‌نی درمان اوچون ایران گه یوبارگن.
