بوگون "سه‌شنبه" کابل ده خبری ییغین اوتکزگن مملکت مالیه وزیری اکلیل حکیمی، مالیه وزیرلیگی دن استعفا قیلگنی نی بیلدیرگن.
جناب حکیمی‌نینگ ایتیشیچه، عایلهسی بیرلیک‌که حیات کیچیریش و اولرگه دقت قیلیش اوچون هیچ‌قندی فشار بولمی و اوز ایسته‌گی اساسیگه استعفا قیلگن.
حکیمی گه کوره، یرته کابینه ییغینی‌گه اشتراک قیلیب، اوشبو مسوولیت‌نی باشقه بیر کیشی‌گه تاپشیره‌دی.
اکلیل جکیمی‌نینگ ایتیشیچه، میلادی 2024- ییل هم میلادی 2014- ییل کبی افغانستان اوچون اونملی بیر ییل دیر و چیت‌ایللیکلرنینگ همکارلیک لری دوام تاپمیدی.
مملکت مالیه وزیری بوندن آلدن نماینده لرکینگشی‌نینگ ییغینیده، میلادی 2020- ییل دن سونگ افغانستان‌نی تمویل قیله‌دیگن منبع یوق‌لیگی نی بیلدیرگن ایدی.
اکلیل جکیمی، هجری قویاش 1393- ییل ده مملکت مالیه وزیری عنوانیده نماینده لرکینگشی ده تانیتیلدی. اوندن آلدن تشقی ایشلر وزیرلیگی‌نینگ سیاسی اروین باسری، افغانستان‌نینگ چین، چاپان و امریکا ده‌گی ایلچیسی عنوانیده ایش قیلگن.
ایتیش کیرک‌که نیچه پیت آلدن مملکت شهر قوریش وزیری سیدسعادت منصوری نادری 4 اورین باسری بیلن بیرلیک‌که استعفا قیلگن ایدی و اولکه سو و برق وزیری علی احمد عثمانی جمهور باشلیغ تامانیدن چیکلنتیریلدی.
حاضرده مملکت معارف، کان‌لر، اخباراتو مدنیت، شهر قوریش و سو و برق وزیرلیگلری سرپرست‌لر تامانیدن اداره ایتیله‌دی.
