.jpg)
بوگون «پنج‌شنبه» تخار ولایتی‌نینگ مرکزی تالقان شهریده کیم‌لیک ایستش اعتراضچی‌لری و طرفدارلری آره‌سیده نطق سوزله‌گن نماینده‌لر کینگشی اعضاسی لطیف پدرام‌نینگ ایتیشیچه، اهالی‌نینگ مدنی ایستک‌لری حکومت تامانیدن نظرگه آلینمه‌گن صورتده، ایچکی اوروش یوز بیریشی ممکن.
جناب پدرام، شمال‌ده حربی قرارگاه ایجاد ایتیلیشی توغریسیده بحث‌لر دوام ایته‌یاتگنیدن خبر بیریب ایتیشیچه، وضعیت شونده‌ی بیر شکلده دوام قیلگن صورتده، افغانستان شمالی‌نی اوز باشیمچه اعلان قیله‌دی و پشتون بولمه‌گن عسکرلردن باشقه جمهور رئیس محمداشرف غنی‌نینگ بویروغی گه اوروش قیلمس‌لرینی سوره‌یدی.
نماینده‌لر کینگشی‌نینگ اوشبو اعضاسی، افغانستان قیین‌چیلیک‌لرینی حل قیله‌دیگن بیرینچی یول ملی کیلیشوو دیب ایتیشیچه، حکومت قومی قره‌مه قرشی‌لیک‌لرنی دوام بیرگن صورتده، اولر افغانستان‌نینگ آتی‌نی اوزگرتیریش گزینه‌نی قولگه آله‌دیلر: «خراسان افغانستان‌نینگ برچه قومی گه تیگیشلی بوله‌دی، چونکه باشقه قوم‌لر پشتون قومی‌دن آرتیق دیر و شو یوزه‌دن خراسان افغانستان اوچون یخشی آت بوله آله‌دی.»
لطیف پدرام حاضرگی حکومت‌نی ایناتچی بیلیب ایتیشیچه، اهالی بیر قوم‌نینگ کیم‌لیگی تحمیل قیلینیشی برابریده توخته‌یدی.
شونینگدیک، تخار ولایت کینگشی اعضاسی عصمت قربانی‌نینگ ایتیشیچه، اهالی‌نینگ ایستک‌لری نظرگه آلینمه‌گن صورتده، قورال آلیب اوروش گه باریش اوچون تیارگرلیک آلگن‌لر. او، حکومت‌دن بوندن آرتیق قومی قره‌مه قرشی‌لیک‌لرنی چوزمه‌سینی سوره‌یدی.
.jpg)
عین حالده، کیم‌لیک ایسته‌یدیگن اعتراضچی‌لرنینگ آره‌سیده سوزگه چیققن تخار پولیس قومندانلیگی‌نینگ سابق قومندانی و ملی جنبش حزبی‌نینگ ییریک اعضالریدن بیری خیرمحمد تیمورنینگ ایتیشیچه، حکومت باشقه قوم‌لرنی حذف قیلیش اوچون سعی و حرکت قیله‌دی، بیراق اهالی بونده‌ی بیر ایش‌گه رخصت بیرمه‌یدی. جناب تیمورنینگ کوپه‌یتیریشیچه، اهالی ایرکین‌لیک‌نی قان بهاسی گه قولگه کیریتگن و «هیچ قچان بیر فاشیست گروه تامانیدن اهانت قیلینیب و کیم سیتیلیش گه رخصت بیرمه‌دی.» اونینگ ایتیشیچه، اهالی کیم‌لیک‌لری اوچون کوره‌شیش گه حاضر دیر.
بیراق، جمهور رئیس سوزلاوچیسی اورین باسری شاه‌حسین مرتضوی، اوشبو بیانات‌لرگه جواب ایتیشیچه، جناب پدرام افغانستان‌نینگ باشقه قوم‌لریدن نماینده‌لیک قیلمه‌یدی و عسکرلر کیم‌نینگ بویروغی بیلن اوروشیب و اوروشمه‌سی بوتون مملکت موضوعی بولگن.
برقی کیم‌لیک‌لرنی ترقه‌تیش جریان باشله‌نیشی موجود قره‌مه قرشی‌لیک‌لر یانیده کوپینچه قرشی‌لیک‌لرگه سبب بولدی. اعتراضچی‌لر ایریم ولایت‌لر جمله‌دن تخار، پروان، پنجشیر، بلخ و بدخشان ولایت‌لریده برقی کیم‌لیک‌لرده «افغان» سوزی کیریتیلیشی‌گه قرشی ناراضیلیک بیلدیرگن‌لر و بو ناراضیلیک‌لر حاضرگچه مملکت‌نی هر بیر چیکه‌سیده کورینه‌دی.
