طالبلر میمنه-مزار قتناو یولیده بولگن بیر امنیتی قرارگاه و ایکی پوسته‌نی نظارت‌لریگه آلیب، ملی اردو کوچلریدن 20 ته‌سی نی اولدیریب و قولگه آلگنلر. ایتیلیشچه اوشبو واقعه ده بیر مقدار اوق و قورال طالبلرنینگ قولیگه توشگن.
فاریاب ولایت کینگشی باشلیغی محمدطاهر رحمانی‌نینگ سلام‌وطدارگه ایتیشیچه، فاریاب ولایتی شیرین تگاب تومنی‌نینگ گورزاد قیشلاغیده بیر امنیتی قرارگاه و ایکی پوسته طالبلر نظارتی‌گه اوتگن.
جناب رحمانی گه کوره، اوشبو واقعه ده، ملی اردو عسکرلریدن 10 ته‌سی هلاک، 4 ته‌سی یره‌له‌نیب و باشقه 7 ته‌سی ایسه طالبلر قولیگه توشگن.
اونینگ ایتیشیچه، مذکور واقعه گه 3 هاوان، 3 میل دشکه، 3 میل راکت‌انداز، 10 میل باشقه قورال و مینگلرچه اوق طالبلر قولیگه توشگن.
اوشبو توغریده 209 شاهین قول اردو قومندانلیگی رسمی‌لری‌نینگ فکرلرینی آلیش اوچون سعی و حرکت قیلدیگ؛ بیراق موفق بولمدیک.
قورالی طالبلر مذکور واقعه نی تصدیق‌له گن.
