افغانستان ساغلیقنی سقلش وزیرلیگینینگ ساغلیق محصولاتی و دارو منسجملشتیریش ملی اداره باشلیغی نورشاه کامهوالنینگ ایتیشیچه، اولر ساغلیق محصولاتی، دارو بهاسینی باشقریش، صفتینی تضمین قیلیش و قاچاقی آلدی آلینیشی اوچون بوگون تیکشیروو کمپایننینگ ایکینچی باسقیچینی رسمی شکلده باشلهگن.
جناب کامهوال گه کوره، اوشبو کمپایننینگ اساسی مقصدی ساغلیق محصولاتینینگ صفتیدن ایشانچ قولگه کیریتیش و مملکتده ناقانونی دارولر و قاچاقی آلدی آلینیشی بولگن. بو توغریده اوتکزیلگن تیکشیروو و نظارت نتیجهسی اوچ آیدن سونگ، اهالی بیلن شریک قیلینهدی. اوشبو کمپایننینگ بیرینچی باسقیچی اوچ آی آلدین باشلنگن ایدی.
کامهوالنینگ ایتیشیچه، کابل شهرینینگ ایریم ییرلریده جواز سیز دارو ساتووچی دکانلر غیر صحی ییرلرده فعالیت قیلهدیلر و بوندن سونگ، اولر بیلن قانونی یاندهشیلهدی.
جناب کامهوال، ساغلیقنی سقلش وزیرلیگی بازارنی هر تامانلمه باشقره آلمهسینی تَن آلهدی، بیراق ایتیشیچه، صفتنی باشقرووچی اداره بیر هفته جریانیده دارولرنینگ صفتینی تیکشیریش گه قادر بولگن و بوندن آلدین، بو ایش بیر آی جریانیده بولردی.
افغانستان ساغلیقنی سقلش وزیرلیگینینگ ساغلیق محصولاتی و دارو منسجملشتیریش ملی اداره مسؤوللری، اهالیدن دارو ساتیب آلگن چاغیده، دارو بهاسی و مذکور داروخانه تصدیقینی آلیشینی سورهیدی.
