خلق ارا مطبوعات کونی یقینیده کابلده اوتکزیلگن خبری بیر ییغینده جمهور رییس ایکینچی اورین باسری سرور دانشنینگ ایتیشیچه، اوتگن 10 ییلده ایریم ولایتلرده میدیا فعالیتلری و خبرچیلرگه قرشی یوز بیرگن یوزلرچه قضیه اوتگن 6 آی ده تیکشیریلگن و باشقه ایکی آیگچه اوتگن 10 ییلده یوز بیرگن بوتون قضیهلر تیکشیریلیب یکونلنهدی.
دانشنینگ کوپهیتیریشیچه، اوشبو قضیهلر ایزلهنیشی، منسجملشتیریلیش و دسته بندلیگیده افغانستان خبرچیلرینینگ ملی بیرلیگی اساسی رول اوینهگن.
خبرچیلر خوفسیزلیگینی اویغونلشتیرووچی قوشمه کمیته کمیده بیر یریم ییل آلدین، میدیا، خبرچیلر ملی بیرلیگی، مدنیت و معلومات وزیرلیگی و باشقه امنیتی و عدلی و قضایی ادارهلر همکارلیگیده ایجاد ایتیلدی و مقصدی خبرچیلرنینگ مصؤنیتی و خوفسیزلیگینی تأمینلش دییلگن.
جمهور رییس ایکینچی اورین باسرینینگ ایتیشیچه، اوشبو کمیته اوتگن 10 ییل جریانیده میدیالر و خبرچیلرگه قرشی یوز بیرگن قضیهلرنی تیکشیریش یانیده، حکومت و میدیا آرهسیده ایشانچ کیلتیریش و ایریم ولایتلرده خبرچیلرگه قرشی زورهوانلیکلرنی ایزلب و تیکشیریش خصوصیده کوپینچه ایش قیلگن.
چیگره بیلمس خبرچیلر تشکیلاتینینگ ینگی گزارشی اساسیده، ایرکین میدیالر خلق ارا درجهبندلیک جدولیده افغانستان ایکی پله چیکیب 120- اوریندن 118- گه ییتیشگن.
اوشبو گزارش اساسیده، باشقه مملکتلرده میدیالرنینگ ایرکینلیک وضعیتی یمانلیگی و باشقه بیر تاماندن قولهشلری و معلومات ییتکزیش ایرکینلیگی خصوصیده افغانستان ترقیاتی اساسی عامللردن بولیب ایکی پله چیکیلگن.
