افغان-ترک مکتبلرینینگ مدیریتی ترکیه حکومتینینگ ایستهگی اساسیده، ترکیه دولتی گه انتقال بیریلیشیدن حمایت قیلیش اوچون بلخ محلی رسمیلری تامانیدن هجوم چیقاریلگنی باعث، مذکور مکتبلر اوقووچیلرینینگ عایلهلریدن بیرقطاری و امنیتی کوچلر یوزمه یوز بولدی و شونینگدیک، امنیتی کوچلر زورهوانلیککه عیبلنگنلر.
اولرنینگ ایتیشیچه، اوتگن کون کیچ قورون ترکیه قونسلی، بلخ معارف ریاستی و امنیتی کوچلردن بیرقطاری، افغان-ترک مکتبلرینی تسلیم آلیش اوچون کیلگن بیرچاغده، اوقووچیلرنینگ عایلهلرینی مقاومتی گه دوچ کیلگنلر.
افغان-ترک مکتبلرینینگ اوقووچیلرینی عایله اعضالریدن ایکی کیشی انجنیر عصمتالله عاصم و عبدالقهار اسلمینینگ ایتیشیچه، اوشبو مکتبلر بیلن سیاسی یاندهشیلمهسی کیرهک و بو مکتبلرنینگ مدیریتی ترکیه دولتیگه انتقال بیریلمهسی توغریسیده، سونگی لحظه گه قدر ایستکلریدن وازکیچمهیدیلر.
عین حالده، افغان- ترک مکتبلری اوقووچیلرینینگ عایلهلریدن بیرقطاری، کابلده بیر خبری ییغین آرقهلی دولتنینگ بلخ ولایتیدهگی ایشینی قانونگه قرشی دیگنلر.
بیراق بلخ معارف باشلیغینینگ ایتیشیچه، محلده ناقانونی قوراللی کیشیلرنینگ بولگنی باعث مکتبگه کیرگنلر.
افغان-ترک مکتبلرینینگ مدیریتینی انتقال بیریش موضوعی کمیده ایکی آی آلدین، افغانستان معارف وزیرلیگی و ترکیه معارف بنیادی آرهسیده کابلده کیلیشوو امضاءلنگنیدن سونگ، بیان ایتیلدی و بوندن سونگ، اهالی اعتراضلری کوتریلدی.
