غور-هرات قتناو یولیده قوراللی طالب‌لر بیر موترنینگ یولاوچی‌لرینی اوققه توتگن. اوشبو واقعه بوگون ایرته‌لب غور ولایتی‌نینگ مرکزی فیروزکوه شهری‌نی میدان بره‌خانه بازاری منطقه‌سیده یوز بیرگن.
اوشبو واقعه‌دن تیریک قوتیلگن فاطمه و اسحاق‌نینگ سلام‌وطندارگه ایتیشیچه، بو واقعه اولر ولایت مرکزی تامان کیته‌یاتگن چاغلریده یوز بیرگن. عینی گواه‌لرگه کوره، هجوم قیلگن‌لر ایکی کیشی بولیب و پولیس کییمی‌نی کیگن ایکن‌لر.
مذکور ایکی کیشی‌نینگ ایتیشیچه، هجومچی کیشی‌لر دستلب اولرنینگ نرسه‌لرینی آلگن و اوندن سونگ، یولاوچی‌لرنی اوققه توتگن.
عینی گواه‌لرگه کوره، مذکور هجومچی‌لر 12 یولاوچی جمله‌سیدن عیاللر و باله‌لرگه زیان ییتکیزمه‌گن، بیراق یولاوچی‌لرنی آره‌سیده بولگن 6 ایرکک‌دن 3 ته‌سی اولدیریلگن، 2 ته‌سی یره‌لنگن و باشقه بیری گه زیان ییتمه‌گن.
غور حاکمی سوزلاوچیسی عبدالحی خطیبی، بو هجومنی طالب‌لرگه نسبت بیریب ایتیشیچه، اوشبو واقعه گه دوچ کیلگن یولاوچی‌لرنینگ برچه‌سی دایکندی ولایتی‌نینگ یشاوچیلری ایکن.
بیراق، اوشبو واقعه مسؤولیتی‌نی حاضرگچه هیچ بیر گروه بوینیگه آلمه‌گن.
