بوگون «دوشنبه» نماینده‌لر کینگشی اعضالریدن بیرقطاری، نماینده‌لر کینگشی و تومن‌لر کینگشی سیلاولری اوچون آواز بیرووچیلرنی رویخط‌گه آلیش لایحه‌نی ناکام دیب ایتیشیچه، بو توغریده سیلاولر کمیسیونی‌نینگ برنامه‌سی «ناتوغری» ایکن. شونینگ‌دیک، اوشبو نماینده‌لردن بیرقطاری، رویخط‌گه آلینیش مرکزلر تنله‌نیشیده سیلاولر کمیسیونی‌نینگ ایکی تامانلمه حرکت‌گه عیب‌لیدیلر.
آواز بیرووچیلرنی رویخط‌گه آلیش لایحه باشلنگنیدن اوچ کون بولدی، بیراق سلام‌وطندار قولگه کیریتگن معلومات اساسیده، آواز بیرووچیلرنی رویخط‌گه آلیش مرکزلرده یشاوچیلرنینگ حضوری جوده آز دیر.
سلام‌وطندارگه صحبت بیرگن غزنی ولایتی‌نینگ سیلاولر ایرکین کمیسیونی‌نی عملیاتی مسؤولی کریم جمال‌نینگ ایتیشیچه، حاضرگچه 13عیال شامل 70 کیشی مذکور مرکزلردن آواز بیریش کیم‌لیک آلگن‌لر.
کابل شهری‌نینگ 13 ناحیه‌سیده آواز بیرووچیلرنی رویخط‌گه آلیش مرکزلر مسؤوللریدن بیری‌نینگ سلام‌وطندارگه ایتیشیچه، مذکور ناحیه‌گه تیگشلی بولگن مرکزلردن بیریده اوتگن کون 2 کیشی کیلیب آواز بیریش کیم‌لیگی‌نی آلگن.
سیلاولر ایرکین کمیسیونی مسؤوللری‌نینگ ایتیشیچه، ناتینچلیک و مملکت ایریم بولیم‌لریده اهالی‌دن بیرقطاری‌نینگ کیم‌لیگی بولمه‌گنی باعث، اولر آواز بیرووچیلرنی رویخط‌گه آلیش مرکزلرگه بارمه‌یدیلر.
باشقه بیرتاماندن، طالبان گروهی بیر خبرنامه ترقه‌تیب اهالی سیلاولرگه اشتراک قیلمه‌سی و اشتراک قیلگن صورتده، اولدیریلیش‌لری توغریسیده آگاه‌لنتیرگن.
آواز بیرووچیلرنی رویخط‌گه آلیش لایحه باشله‌نیشی بیلن جمهور رییس غنی، طالبان گروهی‌دن بو لایحه‌گه اشتراک قیلیش‌لرینی سوره‌دی.
