قندرهار پولیس قومندانی جنرال عبدالرازقنینگ ایتیشیچه، کویته کینگشینینگ 60 اعضاسی تینچلیک لایحهسیگه قوشیلیش اچون حکومت بیلن کیلیشگن.
افغانستان حکومتی ایکی آی آلدین کابل تینچلیک ییغینینینگ ایکینچی دوریده طالبلرگه تینچلیککه قوشیلیش اوچون شرط سیز تکلیف ارایه قیلگن ایدی و شونینگدیک، مذکور گروه تینچلیککه قوشیلگنیدن سونگ، اوزلریگه سیاسی تشکیلات توزهتیشی نی بیلگی لگن.
تینچلیک عالی کینگشی بو توغریده فکر بیلدیرمهگن.
قندهار پولیس قومندانی نینگ ایتیشیچه، نماینده لر و تومن لر کینگشی سیلاولریده قوراللی طالبلردن بیر قطار کیشی کاندید قیلیشی ممکن. او، روسیه و ایران نی افغانستاننینگ ایچکی ایشلریگه ارهلشیش گه عیبلب و بو مملکتلر افغانستانده تینچ لایحهسیگه توسیق بولیشلرینی بیلدیرگن.
افغانستان جنوبیده مذکور نفوذلی قومندان نینگ ایتیشیچه، کویته کینگشی اعضالری نینگ تینچلیک لایحه سیگه قوشیلیشی مملکت امنیتی خصوصیده ایجابی تأثیر قوییب و شونینگدیک، طالبلر باشقه قومندانلرینی تنیچلیککه قوشیلیش اوچون ترغیب ایتهدیلر.
اونینگ ایتیشیچه، کویته کینگشینینگ اعضالری، قطار قوم بویوکلری و چیت ایللیکلرنینگ سعی و حرکتی نتیجه سیده تینچلیک لایحه سیگه قوشیلیش گه علاقه کورستگنلر. عین حالده، طالبان گروهی سوزلاوچیسی قاری یوسف احمدی سلاموطندار بیلن تلیفون علاقه قوریب و بو موضوع نی رد قیلگن.
طالبان گروهینینگ تینچلیک مذاکرهسیگه حاضر قیلیش یالغیز حکومتنینگ سعی و حرکتی ایمس دیر. سونگی پیتلرده هلمند، کابل، ننگرهار، قندهار، زابل، قندوز و بلخ یشاوچیلری تحصن خیمه قوریب و بو گروه دن تینچلیک لایحهسیگه قوشیلیشلرینی سورهگنلر.
