بوگون «چهارشنبه» مدافعه وزیری طارقشاه بهرامی، ایچکی ایشلر وزیری ویس احمد برمک، ملی خوفسیزلیک ریاستی عمومی باشلیغی معصوم استانکزی، ناتینچلیکلر میزانی آشگنی و خوفسیزلیک تأمینلنیشی خصوصیده جواب بیریش و بو توغریده قندهی برنامهلری بولگنی توغریسیده معلومات بیریش اوچون نمایندهلر کینگشینینگ عمومی ییغینی گه چقیریلگن ایدیلر. لیکن معصوم استانکزی ییغین گه کیلمهگن و اورنیده ملی خوفسیزلیک عمومی ریاستینینگ اوپراتیفی اورین باسری کیلگن، بیراق نمایندهلر کینگشی تامانیدن مجلس گه کیریش رخصتی بیریلمهگن.
نمایندهلر کینگشی اعضالری، ولایتلرنی مرکزلریده خودکش هجوملر کوپهیگنی، استخباراتی ادارهلرنی کوچسیزلیگی، خوفسیزلیک ملازملرینینگ تقاعدی، عسکرلرنینگ آیلیگی توللنمهگنی، سیلاولر خوفسیزلیگی تأمینلنیشی، هلاک ایتیلگن عسکرلرنینگ اکرامیهسی، قتناو یوللر خوفسیزلیگی و مملکتده یوز بیرگن خودکش هجوم واقعهلریدن سونگ، گزارشلر فاش ایتیلمهگنی توغریسیده سوراقلرینی امنیتی رسمیلر بیلن شریک قیلگنلر.
نمایندهلر کینگشی اعضالریدن ایکی کیشی اقبال صافی و شاگل رضایینینگ ایتیشیچه، ایریم تومنلرده پولیس آیلیگی باشقه کیشیلرنینگ بانکی حسابی گه یوباریلهدی. خودکش هجوملر آلدی آلینیشی توغریسیده، جدی عمل قیلینمهیدی.
