سلاموطندارگه صحبت بیرگن جوزجان ولایتینینگ مینگجیک تومنی ولسوالی مطیعالله احساننینگ ایتیشیچه، طالبان گروهی نظارتیده بولگن 25 قیشلاق اهالیسی دن هر آی 75 دن 85 مینگ افغانی پول توپلهیدی و بو ایش اوچون هر بیر قیشلاقده بیر مسؤول تعیین قیلگن.
شونینگدیک، مذکور تومن یشاوچیلریدن بیرقطارینینگ ایتیشیچه، اولر پول توللمهگن صورتده، طالبان گروهی صحرایی محکمهده جزالنتیریشی توغریسیده آگاهلنتیرگن.
شونینگدیک، جوزجان حاکمی سوزلاوچیسی محمدرضا غفورینینگ ایتیشیچه، طالبان گروهی مینگجیک تومنی گه قوشیمچه باشقه 4 تومنده دولت ییریدن چمهسی 20-25 مینگ جریب ییرنی اجاره بیرگن و زور بیلن اهالی دن پول آلهدی.
جوزجان ولایتینینگ مینگجیک تومنیده طالبان گروهینینگ حضوری نیچه آیدن بویان کینگهیماقده دیر. قوشتپه و درزاب جوزجان ولایتینینگ باشقه ناتینچ تومنلری سنلهدی و مذکور تومنلرده طالبان گروهی گه قوشیمچه، داعش گروهی هم کینگ فعالیت قیلهدی.
