کابل پروسهسی ایکینچی ییغینی پاکستان و طالبلر بیلن هیچ قندهی شرط و شرایط بولمسدن مذاکره اوتکزیش اوچون عمومی بیر ریجه اساسیده، بوگون یولگه قوییلدی. اوشبو ییغینده افغانستان جمهور رییسی تامانیدن بیر تکلیف نامه ارایه ایتیلدی و بو تکلیف نامهده پاکستان و طالبلردن تینچلیک و مذاکرهگه حاضر بولیشلری سورهلگن.
اوشبو ییغین باشلهنیشیده جمهور رییس غنی، تینچلیک و قان توکیشلر آلدی آلینیشی دینی و ملی بیر مسؤولیت دیب ایتیشیچه، تینچلیککه ایریشیش اوچون سیاسی چارچوبه تیارلنیب و اونگه اساس، آتش کیسین و ایشانچ حاکم بولیب و شونینگدیک، طالبلر سیاسی بیر حزب صفتیده تانیلیب و ایرکین و عدالتلی سیلاوگه زمینه یرهتیلیشی کیرهک.
جمهور رییس غنی، سوزلرینی باشقه بیر بولیمیده امنیت تأمین ایتیلیشی و دولتگه قوشیلهدیگنلر بیلن کیلیشیش اوستیگه تأکید قیلدی. فسادگه قرشی کورهش، اقتصاد و اجتماع رواجلنیشی، عمومی ثروتلرگه عدالتی شکلده قول تاپیش و ایشگه زمینه یرهتیلیشی جمهور رییس تامانیدن تأکیدلنگن موضوعلردن دیر. جمهور رییسگه کوره، اهالی کینگ اصلاحات کیریتیلیشینی ایستهیدی و حکومت بو ایستکلرنی عملگه آشیریشی لازم.
جمهور رییس طالبلردن تینچلیک توغریسیده بولگن فکرلرینی ارایه ایتیشینی طلب قیلدی و بو اساسده، تینچلیک ایستمهیدیگنلرنینگ تقدیری بیللی بولهدی. اونینگ کوپهیتیریشیچه، ملی بیرلیک حکومتیده طالبلرگه دفتر آچیش رخصتی بیریلهدی. شونینگدیک، ایرکین سفر، میدیالرگه قول تاپیش و اولرنینگ عایلهلرینی امنیتی تأمین ایتیلهدی.
کابل پروسهسینی رسمی حجتی اساسیده، اوشبو تکلیف تینچلیک تأمینلنیشی اوچون و هیچ قندهی شرط و شرایط بولمسدن طالبلرگه ارایه ایتیلگن و بو تکلیف نامهگه کیریتیلگن موضوع بولردن عبارت:
- اساسی قانون چارچوبهسیده برچه اهالی (اینیقسه عیاللرنینگ) مسؤولیت و حقوقلری تأمین ایتیلهدی.
- اساسی قانون حکمی اساسیده، اساسی قانوننی قبول قیلیش و یا-ده اونگه قیته تیکلهنیشی؛
- قانون اساسیده، دفاعی، امنیتی و ملکی خذمتلرنی آلغه آلیب باریش؛
- ترورچی ترماقلر، بوزغونچی تشکیلاتلر، دولتی و غیر دولتی ادارهلر بیلن افغانستانده نفوذ قیلیش مقصدیده یورگن هیچ بیر قوراللی گروهگه رخصت بیریلمهسی دیر.
جمهور رییس سوزلرینی باشقه بولیمیده دنیا جماعهچیلیگینینگ رولیگه اشاره قیلیب ایتیشیچه، تینچلیک تأمینلنیشی، چیت ایللیک جنگریلرنینگ تقدیری بیللی بولیشی اوچون دنیا جماعهچیلیگینینگ مالی و سیاسی همکارلیکلرگه احتیاج دیر. اونگه کوره، کابل پروسهسی منطقه مملکتلری و تشکیلاتلر بیلن اویغونلنیش سعی و حرکتی قیلینیب و طالبلر بیلن بولگن تینچلیک تکلیفیدن حمایه بولیشی لازم. جمهور رییس غنی، میلادی 2001- ییلدن بویان دنیا جماعهچیلیگینینگ حمایتیدن منتدارلیک بیلدیریب و دنیا جماعهچیلیگیگه ایریم تکلیفلر قیلدی.
- طالبلرگه بولگن تینچلیک تکلیفیدن خلق ارا سیاسی حمایه بولیشی کیرهک.
- کابل پروسهسی بیلن منطقه مملکتلری و تشکیلاتلر اویغونلنیشی اوچون جدی سعی و حرکتلر قیلینیب و طالبلرگه بولگن تینچلیک تکلیفیدن حمایت قیلینیشی لازم.
- اسلام دینی دن ناتوغری فایدهلنیشگه قرشی کورهش اوچون اسلام دنیاسی رهبرلری بیلن جدی بحثلر اوتکزیلیشیگه احتیاج بار.
- افغانستانده تینچلیک و برقرارلیک تأمینلنگنده منفعت و مزایا بولیشیده پاکستاننی قانیقتیریش اوچون سعی و حرکت قیلینیب و دولت بیلن دولت آرهسیده هر تامانلمه سوزلشوولر یولگه قوییلیب و طالبلرگه بولگن تکلیفدن حمایه ایتیلیشی درکار.
- تینچلیک کیلیشووی تطبیق ایتیلیشی اینیقسه سابق جنگریلر و مهاجرلرنی قیتهدن بیرگه قیلیشدن حمایت بولیشی لازم.
- افغانستانده تینچلیک تأمینلنیشی خصوصیده هر قندهی سعی و حرکتلر، سرمایه یاتقیزیشلر، اصلاحات، دولتی ادارهلرده فسادگه قرشی کورهش استراتیژی و 1397- ییل پارلمان و 1398- ییل جمهورلیک ریاستی سیلاولریدن حمایت بولیشی کیرهک.
جمهور رییس غنینینگ کوپهیتیریشیچه، اوتمیشلرده بیرقطارلرنینگ ایشانچیگه افغانستان دنیا باریچه باشقهلرگه محتاج بولگنی ایتیلردی؛ لیکن خرسندلیک بیلن کته قیینچیلیک سیزیلگن منطقهیی ینگی پروژهلر و افغانستاننینگ جغرافیایی موقعیتی آلتین فرصتگه اوزگردی. جناب غنی، تاپی پروژه سیگه اشاره قیلیب و اونی منطقهده توسعه و اوزگریش اوچون یخشی بیر اورنک صفتیده ایسلب و کوپهیتیریشیچه، افغانستان تینچ بولگنده پاکستان منفعتیگه دیر و شونینگدیک، بیزلر تینچ پاکستان ملی منفعت میزگه بولگنیگه ایشانهمیز.
جمهور رییسنینگ کوپهیتیریشیچه، تینچلیک مذاکرهسی آلغه آلیب باریلیشی اوچون تینچلیک عالی کینگشی تامانیدن مدنی جماعهچیلیک نمایندهلری و عیاللردن تشکیل ایتیلگن بیر تیم تانیشتیریلهدی. بو مذاکره کابل، باشقه بیر اسلامی مملکت و یا-ده بیرلشگن ملتلر تشکیلاتینینگ دفترلریدن بیریده یولگه قوییلهدی.
سوزلری سونگیده جمهور رییس غنینینگ ایتیشیچه، افغانستان دولتی طالبلرگه حقیقی و صداقتلی تینچلیک تکلیفینی ارایه قیلدی و ینه بیر بار پاکستان بیلن مذاکره اوتکزیلیشی اوچون تینچلیک سیسینی یوقاری چیقاردی.
