.jpg)
بوگون «یکشنبه» کابلده خبری ییغین اوتکزگن باش قارهلاوچلیک سوزلاوچیسی جمشید رسولینینگ ایتیشیچه، جاری ییل باشلنگنیدن بویان اداری فسادگه عاید 1526 قضیه مذکور اداره تامانیدن تیکشیریلگن و بو قضیهلر توغریسیده حربی جنراللر و حکومت بلند مرتبهلی رسمیلری شامل 118 کیشی جزالنگن.
شونینگدیک، جناب رسولیگه کوره، اوشبو قضیهلر توغریسیده حربی و ملکی ایشلاوچیلردن 54 کیشی ممنوعالخروج بولیب و باشقه 15 کیشینینگ وظیفهسی توختهتیلگن.
باش قارهلاوچیلیک سوزلاوچیسینینگ کوپهیتیریشیچه، اداری فسادگه قرشی کورهش عدلی و قضایی مرکزی، فساد قضیهلری توغریسیده بیر میلیارد و 600 مینگ افغانی، کمیده 49 میلیون 500 مینگ دالر و 300 مینگ پاکستان کلدار نقد پول قیتریلیشی توغریسیده حکم صادر قیلگن.
جناب رسولی، اداری فسادگه قرشی جدی کورهشیلیشی اوستیگه تأکیدلب ایتیشیچه، اداری فسادگه عیبلنگن کیشیلر هر بیر موقفده بولسه اوستیلریگه بیردیک قانون تطبیق ایتیلهدی.
