ایچکی ایشلر وزیرلیگی رسمیلرینینگ ایتیشیچه، پولیسگه اصلاحات کیریتیش 4 ییللیک استراتیژیسیده برچه نیازلر کیریتیلگن و پولیسنی قانونگه باشقریش، اساسی قاعدهلردن بیری دیر.
بوگون «یکشنبه» اجراییه ریاستیده خبر ییغین اوتکزگن ایچکی ایشلر وزیری ویساحمد برمکنینگ ایتیشیچه، اوشبو استراتیژی چیت ایللیک همکارلر، پولیس مسؤوللری، دین عالملری، مدنی ادارهلر و عیاللرنینگ حقیدن دفاع قیلیووچی ادارهلرنینگ مصلحتی بیلن تیارلنگن.
جناب برمک، اوشبو استراتیژی تیارلنگنیدن مقصد، ایچکی ایشلر وزیرلیگیده سیستماتیک اصلاحات کیریتیش دییدی.
ایچکی ایشلر وزیرینینگ ایتیشیچه، اوشبو وزیرلیکنی زیان کورهدیگن تامانلری تانیلگن و خلق ارا ادارهلری همکارلیگیده اصلاحاتنی عملگه آشیریش ایشی باشلنگن.
پولیسنینگ 4 ییللیک استراتیژیسینی خوش قرشیلگن اجراییه باشلیغی عبدالله عبدالله نینگ ایتیشیچه، پولیس تشکیلاتیده بولگن عیاللرنینگ قیینچیلیکلریگه ییتیشیش اوچون ایچکی ایشلر وزیرلیگیده بیر اورین باسرلیک ایجاد ایتیلیشی لازم.
پولیسگه اصلاحات کیریتیش 4 ییللیک استراتیژی 70 دن آرتیق صحیفهده تیارلنگن.
