د عامې روغتیا وزارت نن (سهشنبه) په کابل کې د وړانګو پهوسیله د سرطان ناروغۍ د تشخیص او درملنې مرکز جوړولو په موخه له «ګلوبل مېډيکل پارټنرز» یا د نړۍ طبي شریکانو سره هوکړهلیک لاسلیک کړ.
د عامې روغتیا وزیر فېروزالدین فېروز پهدې اړه جوړې شوې غونډې کې وویل چې هر کال په افغانستان کې شاوخوا ۲۰ زره کسان په سرطان ناروغۍ اخته کېږي چې د امکاناتو نه موجودیت له کبله ۱۵ زره هغه یې له منځه ځي.
۲ کاله وړاندې هم د سرطان ناروغۍ درملنې په موخه کابل کې یو مرکز جوړ شویو چې د درملنې ډول یې له دې مرکز سره توپیر لري.
د ښاغلي فېروز په وینا، د یاد مرکز جوړولو لهپاره ۲۵ میلیونه امریکايي ډالر په پام کې نیول شوي چې د نړۍ په پرمختلليو وسایلو به سمبال شي.
دغه مرکز جمهوریت روغتون کې جوړېږي چې د چارواکیو په وینا، په سرطان ناروغۍ د اخته کسانو درملنه به پهکې په ډېر کم لګښت سره وشي.
د عامېروغتیا وزارت چارواکي وايي، یاد مرکز به په راتلونکي یو کال کې جوړ شي چې په لومړي کال کې به د شاوخوا ۳۰۰۰ کسانو درملنه وکړي.
