د جوزجان ولایت یوې باوري سرچینې د نوم نه ښودلو په شرط سلام وطندار ته وویل، طالبانو له پرون راهیسې تر ننه د دې ولایت له مردیان ولسوالۍ نه د ټاکنو خپلواک کمېسیون د موقتو بستونو ۷۰ تنه متقاضیان له ځانه سره وړي او وهلي ـ ډبولي یې دي.
د دې سرچینې په وینا، د ټاکنو د موقتو بستونو لهدې متقاضیانو نه یو څو تنه د سپینږیرو په منځګړیتوب راخوشې شوي؛ خو ډېر یې لا هم د طالبانو په ولکه کې دي.
د جوزجان ولایتي شورا غړې حلیمه صدف کریمي هم له ناامنۍ نه د اندېښنې په څرګندولو سره وايي چې طالبانو د ټاکنو خپلواک کمېسیون د موقتو بستونو ځېنې متقاضیان له ځان سره وړي چې تر دامهاله یې په اړه دقیقه اطلاع نهشته.
خو د جوزجان ولایت د ټاکنو خپلواک کمېسیون رییس امانالله حبیبي وايي، طالبانو د دې کمېسیون موقت متقاضیان له ځان سره وړي چې له ژمنې وروسته یې بېرته خوشې کړېدي.
د ټاکنو لهپاره د نوملیکنې له ملي بهیر له پیلېدو راهیسې د نوملیکنې مرکزونو او ټاکنیزو کارکوونکیو ته د دولت د مخالفانو له لوري ډېر ګواښونه متوجې شوېدي.
د جوزجان ولایت ځېنې مدني فعالان او اوسېدونکي د ناامنیو په زیاتېدو اندېښنه ښيي او وايي، که حکومت د رایهورکوونیکو نوملیکنې مرکز امنیت ټینګ نه کړي؛ دا بهیر به ناکام شي او هېڅوک به د ټاکنو لهپاره ګډون ونهکړي.
وسلهوالو طالبانو تراوسه په دې اړه څه نه دي ویلي.
