د هرات د حوزوي روغتون مسوولان وايي، د روان ۱۳۹۸ کال له پيله تراوسه پورې ۱۷۴۸ کسانو په دې ولايت کې د ځانوژنې هڅه کړې ده.
د ياد روغتون سرطبیب عارف جلالي وايي، د ځانوژنې په يادو هڅو کې ۲۷ يې ژوند له لاسه ورکړی چې ۸۰ سلنه يې مېرمنې دي.
د جلالي په وينا، د يادو کسانو ډېريو يې د مسمومېدو درمل او د موږکو د مړينې درمل په خوړلو، ځان سوځول او ځان ځړولو هڅې کړې دي.
۱۸ کلنه فوزيه( مستعار نوم) چې دوه ځلې د ځانوژنې هڅه کړې؛ خو دواړو ځلې روغه پاتې شوې. نوموړې د ځانوژنې هڅه، په زوره واده کولو په يادوي.
ديني عالمان ځانوژنه حرامه ګڼي او ټينګار کوي چې په اسلام کې ځانوژل جواز نه لري.
