تخار کې يوه مېرمن د خاوند د شکنجې له کبله مړه شوې

دا پېښه تېره شپه د تخار ولايت د مرکز تالقانو ښار د حاجي شهباز په «اق مسجد» سيمه کې شوه ده.

د تخار د حوزه‌يي روغتون رييس عبدالحفیظ صافی د يادې پېښې په تاييد سره وايي، دا ښځه تر هغې کچې شکنجه شوې وه چې حتا کولمې يې پرې شوې وې.

د ياد ولايت د امنيې قومندانۍ وياند خلیل اسیر وايي، د يادې وژل شوژ ښځې د خاوند مور نيول شوې ده.

د بي‌بي‌خال خاوند پوليس دی او له مېرمنې يې ۴ اولادونه پاتې شول.