بامیان ولایتی نینگ یشاوچیلری، مدنی فعاللری و یاغدولیک حرکت اعضالری، ساغلیک توصیهلرینی رعایت قیلیشیب ناراضیلیک بیر ییغینده، کرونا ویروسی گه قرشی کورهش خصوصیده، مذکور ولایت گه حکومت تامانیدن اختصاص بیریلگن بودجه نی عدالتسیزلیک و تبعیضلی دییشگن.
اعتراضچیلرنینگ ایتیشیچه، حکومت دنیا مملکتلریدن بیرقطار بوتون امکانیتلری بیلن کرونا ویروسی گه قرشی کورهشنی باشلهگن بیرچاغده، حاضرگی حساس شرایط نی نظرده توتیب تبعیضلی حرکتلردن قول تارتیب و هر بیر ولایت نینگ نیازلرینی دقت بیلن تیکشیریب و اونگه اساس بودجه اختصاص بیریشی کیرهک.
بامیان اعتراضچیلری، کرونا ویروسی نینگ تشخیص قیلووچی مرکز ایجاد ایتیلیشینی اوشبو ولایت یشاوچیلری نینگ اولویتلریدن بیری دیب و حکومت دن فاجعه آلدی آلینیشی اوچون کرونا ویروسی نینگ تشخیص قیلووچی مرکز ایجاد قیلیشینی طلب قیلگن.
بامیان ولایتی نینگ یشاوچیلریدن بیری و اوشبو ولایتده یاغدولیک حرکت اعضاسی عبدالله دانشیارنینگ ایتیشیچه، بامیانده کرونا ویروسی نینگ تشخیص قیلووچی مرکز و کرونا کسللری دارولنیشی اوچون کسلخانه یوقلیگی بامیانلیکلرنینگ خواطرینی ایکی برابر قیلگن.
جناب دانشیارگه کوره، اوشبو ولایت نینگ ولایتی کسلخانهسیده کرونا کسللری اوچون یالغیز نیچه یاتاق نظرگه آلینگن و کرونا ویروسی گه چلینگنلرنینگ رقمی آشگنده، ییترلی ایمس دیر.
اوشبو ولایتده کرونا ویروسی نینگ تشخیص قیلووچی مرکز یوقلیگی باعث، بو ویروس گه شبههلی واقعه سیناوی نینگ نتیجهسی بیش کون وقت آلهدی.
شونینگدیک، بامیان یشاوچیلری، حکومت رهبرلریدن سیاسی بحران گه نقطه قوییب و آغیر کونلرده یشاوچیلرنینگ یانیده بولیب کروناگه قرشی کورهش ده بیرلشیشلرینی طلب قیلیشگن.
بامیان یشاوچیلری، اوشبو ولایتده کرونا ویروسی گه قرشی کورهش اوچون حکومت تامانیدن اختصا بیریلگن 30 میلیون افغانی نینگ ییترلی ایمس دیب و حکومت دن بو مبلغ نی کوپهیتیریشینی سورهگن.
اوشبو ولایت یشاوچیلری نینگ ادعاسی گه قرشی بامیان حاکمی سوزلاوچیسی عبدالطیف عظیمی نینگ سلاموطندارگه ایتیشیچه، بامیان محلی ادارهسی مرکزی حکومت گه کرونا ویروسی تشخیص قیلینیشی اوچون 350 یاتاقلیک بیر مرکز ایجاد ایتیلیشینی تکلیف قیلگن.
جناب عظیمی گه کوره، کرونا ویروسی گه قرشی کورهش اوچون اختصاص بیریلگن 30 میلیون افغانی دن 2 میلیونی بامیان محلی ادارهسی گه ییتیشگن و جمهور رئیس نینگ بویروغی اساسیده، کرونا ویروسی نینگ آلدی آلینیشی اوچون صرفلنهدی.
بامیان محلی ادارهسی نینگ گزارشی گه کوره، حاضرگهقدر اوشبو ولایتده کرونا ویروسی گه شبههلی 30 واقعه تانیلگن و بو آرهدن 20 واقعهسی سلبی چیققن و باشقه 10 واقعه ساغلیقنی سقلش وزیرلیگی نینگ سیناوگاهلریده سیناودن اوتکزیلهدی.
افغانستان بوییچه ساغلیقنی سقلش وزیرلیگی نینگ اعلان قیلیشیچه، مملکت ده کرونا ویروسی گه چلینگنلرنینگ سانی 423 کیشی گه ییتیشگن. بو آرهدن 11 تهسی جان بیرگن و باشقه 18 تهسی ساغهییب کسلخانهلردن رخصت بیریلگن.
