قطرده طالبان سیاسی دفتری سوزلاوچیسی سهیل شاهین، توییتری بیر پیام آرقهلی ایتیشیچه، بوگون یکشنبه افغانستان حکومتی نینگ محبوسلریدن 20 تهسی طالبان قماقخانهلریدن قوییب یوباریلهدی.
اونگه کوره، قوییب یوباریلگن محبوسلر قندهار ولایتیدهگی قیزیل خاج ادارهسیگه تاپشیریلیشی ممکن.
افغانستان حکومتی طالبان محبوسلریدن 300 تهسینی بگرام قماقخانهسیدن قوییب یوبارگن بیرحالده، افغانستان حکومت محبوسلری طالبان قماقخانهلریدن قوییب یوباریلهدی.
(چهارشنبه 20- حمل) شام چاغی مملکت ملی خوفسیزلیک کینگشی بیر اعلامیه آرقهلی، 100 طالبان محبوسی نینگ ساغلیک وضعیتی، یاش و قالگن حبسی نظر گه آلینیب قوییب یوباریلگنیدن خبر بیردی.
مملکت جمهوررئیسی محمداشرف غنی تحلیف مراسمی کونی 5 مینگ طالبان محبوسی قوییب یوباریش بویروغی نی صادر قیلیب، مذکور محبوسلر قوییب یوباریلیشی تینچلیک توغریسیدهگی سعی و حرکتلردن بیر قسمی دیدی.
قوییب یوباریلگن بیر محبوس نینگ بیاناتی اساسیده، قوییب یوباریلگن محبوسلر پروان، پکتیا، پکتیکا، بغلان، هلمند، قندهار و باشقه قطار ولایتلر یشاوچیلری ایکن.
بوگون (یکشنبه 24- حمل) ملی خوفسیزلیک کینگش دفتری، طالبان محبوسلری نینگ اوچینچی کاروانی جمهوررئیس غنی نینگ بویروغی اساسیده قوییب یوباریلگنی نی اعلام قیلدی.
