افغانستان بوییچه ساغلیقنی سقلش وزیرلیگی نینگ سوزلاوچیسی، مملکت ده ساغلیک ایشلاوچیلریدن 110 کیشی کرونا ویروس گه چلینگنیدن خبر بیرگن.
بوگون «دوشنبه، 1- ثور» کابلده خبری ییغین اوتکزگن ساغلیقنی سقلش وزیرلیگی سوزلاوچیسی وحیدالله مایارنینگ ایتیشیچه، کرونا ویروس گه چلینگن ساغلیک ایشلاوچیلریدن 90 تهسی ایرکک و 20 تهسی عیال بولگن.
جناب مایارنینگ ایتیشیچه، ساغلیک ایشلاوچیلریدن کوپینچهسی هرات و قندهار ولایتلریده کرونا ویروس گه چلینگن. اونگه کوره، ساغلیک ایشلاوچیلریدن 51 کیشی هرات و 23 کیشی قندهار ده بو ویروس گه چیلنگن. قالگنلری ایسه باشقه ولایتلرده بولگن.
اونینگ کوپهیتیریشیچه، کرونا ویروس گه چلینگن ساغلیک ایشلاوچیلریدن حاضرگهقدر 4 تهسی جان بیرگن.
مملکت ده کرونا ویروس گه چلینیب جان بیرگن داکترلر شینوزاده کسلخانهسی نینگ داکتری اقبال عمری، اندراگاندی بالهلر کسلخانهسیده ایچکی متخصص داکتر یوسف آریوبی، کابلده جایلشگن «امیری» خصوصی کسلخانهسی نینگ متخصصی حنیفالله حنیف و جوزجان ولایتی نینگ دولتی کسلخانهده جراحلیک بولیم متخصصی داوود پویا عزیز بولگن.
