بادغیس حاکمی سوزلاوچیسی نجم‌الدین برهانی نینگ ایتیشیچه، بو آتیشمه اوتگن کون (پنج‌شنبه 18- ثور) اکازی قومی گه تیگیشلی بولگن بادغیس ولایتی بالامرغاب تومنی نینگ نماینده‌لر کینگش اعضاسی ضیاالدین اکازی نینگ عایله‌لری آره‌سیده یوزبیرگن.
اونگه کوره، طالبان گروهی گه اعضا بولگن ضیاالدین اکازی نینگ اقارب‌لریدن قطاری، جناب اکازی نینگ عایله‌سی بیلن آتیشگن.
جناب برهانی نینگ ایتیشیچه، مذکور آتیشمه‌ده جناب اکازی نینگ اوغلی و طالبان اعضاسی بولگن اونینگ یقیین‌لریدن 2 ته‌سی شامل 6 کیشی هلاک بولگن.
مذکور آتیشمه کمیده 3 ساعت دوام تاپگن کیم نتیجه‌ده، 3 کیشی یره‌لنگن و شونینگدیک جناب اکازی نینگ اقارب‌لریدن قطاری نینگ اویی اوت بیریلگن.
بادغیس حاکمی سوزلاوچیسی نینگ کوپه‌یتیریشیچه، حادثه سببی حاضرگچه بیللی بولمه‌گن بیراق ایتیلیشیچه، جناب اکازی نینگ وکیل بولگنی باعث بو قوم آره‌سیده آتیشمه یوزبیرگن.
بادغیس محلی مسئوللری نینگ ایتیش‌لریچه، آتیشمه یوزبیرگن منطقه طالبان نظارتی گه دیر و شو یوزه‌دن حادثه نی تیکشیریش اوچون هیأت یوباریلمه‌گن.
بادغیس امنیتی مسئوللری و نماینده‌لر کینگش اعضاسی ضیاالدین اکازی حاضرگچه بو حقده رسمی شکلده فکر بیلدیرمه‌گن.
