ایران مملکتی نینگ مسؤوللری، اوشبو مملکت چیگره‌سیده افغانستانلیک مهاجرلر غرق قیلینگنی توغریسیده افغانستان تامانیدن قولگه کیریتیلگن حجت و مدرک‌لرنی قبو قیلمه‌گن.
افغانستان تشقی ایشلر وزیرلیگی، اوشبو مطلب نی بیان قیلیب، افغانستانلیک مهاجرلر غرق قیلینگنی توغریسیده اوتکزیلگن تدقیقات نی بیرینچی و ایکینچی باسقیچی یکونلنگنیدن خبر بیرگن.
مملکت تشقی ایشلر وزیرلیگی نینگ سوزلاوچیسی گران هیواد نینگ ایتیشیچه، افغانستانلیک مهاجرلر غرق قیلینگنی توغریسیده قولگه کیریتیلگن حجت و مدرک‌لر مستند قیلینگن.
شونینگدیک، جناب هیواد نینگ ایتیشیچه، بو واقعه ده قربان بولگن‌لر تانیلگن و اولرگه دولت تامانیدن یاردم بیریله‌دی.
ایران نینگ چیگره کوچلری تامانیدن اویوشتیریلگن واقعه جریانیدن قوتیلگن‌لردن بیرقطاری نینگ سلام‌وطندارگه ایتیشیچه، اولر هرات ولایتی نینگ گلران تومنی گه تیگیشلی دهانه ذوالفقار منطقه‌سیده ایران پولیسی تامانیدن توتقونگه آلینگن و عسکرلر قیناققه سالگنیدن سونگ، برچه‌سینی هیرمند دریاسی گه تشله‌گن.
بیراق، ایران تشقی ایشلر وزیرلیگی‌نی سوزلاوچیسی سیدعباس موسوی، بو خبر نشر قیلینگنیدن سونگ، ایتیشیچه: «بو واقعه افغانستان توپراغیده یوز بیرگن و ایران اسلامی جمهوریتی نینگ چیگره‌چی‌لری، بو توغریده ایران توپراغیده هرقنده‌ی واقعه یوز بیرگنینی رد قیله‌دی.» دیگن.
