کاپیسا یشاوچیلری و مدنی فعاللریدن بیرقطاری نینگ خواطر بیلن ایتیش‌لریچه، اوشبو ولایتده ناتینچلیک‌لر کوپه‌یگنی و جنایی جرملر جمله‌دن سِرلی ترورلر، آچیق قتل‌لر، قوراللی اوغیرچیلیک‌لر، یول توسمه و ناقانونی قوراللی کیشی‌لرنینگ فعالیت‌لری اوشبو ولایت یشاوچیلرینی جدی قیین‌چیلیک‌لرگه روپه‌ره قیلگن.
سلام‌وطندارگه صحبت بیرگن کاپیسا مدنی جماعه‌چیلیک مسؤولی حشمت‌الله اسحق‌زاده، قماقخانه‌لردن ینگی قوییب یوباریلگن جنایت‌لرنی اوشبو ناتینچلیک‌لرنی اصلی عاملی دیب ایتیشیچه، جمهور رئیس نینگ فرمانی اساسیده، قوییب یوباریلگن جنایتچی‌لر قیته‌دن باندلرگه قوشیلیب و بو ولایتده سونگی ناتینچلیک‌لرنی اصلی عاملی دیگن.
اونگه کوره، ینگی‌لیک‌ده ناقانونی قوراللی کیشی‌لردن بیرقطاری، مذکور ولایت نینگ «دیرستان» قیشلاغیده بیر مسجدگه کیریب نماز اوقووچی‌لرنینگ نقد پولی و تلیفونلرینی آلیب و بیرینی آتیب اولدیرگن.
شونینگدیک، کاپیسا یشاوچیلریدن بیرقطاری، اوشبو ولایتده ناتینچلیک‌لر و جنایی جرملر کوپه‌یگنیدن خواطر بیلدیریب ایتیشیچه، مسجد دن باشلب بازار، کوچه، ایکینزار و پارک‌لر کیم‌سه اوچون خوفسیز ایمس دیر.
کاپیسا یشاوچیلریدن شاکر شیرزاد و ندیم افضلی نینگ ایتیش‌لریچه، بو ولایتده خوفسیزلیک مسؤوللری نینگ اویلرینی یقینیده ناقانونی قوراللی کیشی‌لر قتل و اوغیرچیلیک قیله‌دی.
اولر، دولت و کاپیسا خوفسیزلیک مسؤوللریدن بو ولایتده ناتینچلیک‌لر کینگه‌ییشی و ناقانونی قوراللی کیشی‌لرنینگ فعالیتی گه توسیق بولیشی‌نی سوره‌یدی.
عین دمده، کاپیسا ولایتی نینگ خوفسیزلیک مسؤوللری، اوشبو ولایت نینگ ناتینچلیک‌لریده قماقخانه‌لردن قوییب یوباریلگن محبوس‌لرنی قولی بارلیگی توغریسیده اهالی نینگ بیانات‌لرینی تصدیقلیدی.
کاپیسا پولیس قومندانلیگی نینگ مطبوعات دفتری مسؤولی عبدالشایق شورش نینگ ایتیشیچه، قماقخانه‌لردن قوییب یوباریلگن محبوس‌لردن بیرقطاری جنایت چاغیده قولگه آلینیب و ینه قماقخانه گه یوباریلگن.
باشقه بیر تاماندن جناب شورش، کاپیسا پولیسی نینگ تشکیلی کم‌لیگی نی اوشبو ولایتده جنایی جرملر آشیشی‌نی اصلی سبب‌لریدن بیری دییدی.
کاپیسا تاغلی ولایت‌لردن بیری بولیب کابل ولایتی نینگ شمال‌شرقی ده جایلشگن. مذکور ولایت نینگ ایریم منطقه‌لریده ناقانونی قوراللی کیشی‌لرنینگ حضوری بار و شونینگدیک، بو ولایت نینگ تگاب، اله‌سای تومن‌لری و نجراب تومنی نینگ ایریم قسمت‌لریده طالبان گروهی کینگ شکلده فعالیت قیله‌دی.
