جمهورلیک ریاست سوزلاوچیسی صدیق صدیقی نینگ ایتیشیچه، امنیتی کوچلرنینگ بوتون محبوس‌لری طالبان قماقخانه‌لریدن قوییب یوباریلیشی، محبوس‌لرنینگ اَلمشتیریش پروسه‌سینی اونملی اصلی صفتیده افغانستان دولتی و ملتی اوچون اونملی دیر.
بوگون (یکشبنه 15- سرطان) جناب صدیقی بیر توییت آرقه‌لی یازیشیچه، افغانستان دولتی افغانستان ده اوروش یکونله‌نیب و تینچلیک تأمین ایتیلیشی اوچون تیزلیکده تینچلیک سوزلشوولری باشله‌نیشی خصوصیده متعهد دیر.
اونینگ کوپه‌یتیریشیچه، افغانستان دولتی هرتامانلمه تیکشیروودن کیین بوگون یکونلنگونگه قدر، قوییب یوباریلگن محبوسلر و قالگن محبوس‌لرنینگ تقدیری توغریسیده اوز موقفی نی اعلام قیلیشی ممکن.
حکومت جاری ییل حمل آیی‌ده طالبان محبوس‌لری نینگ قوییب یوباریش پروسه‌سینی باشله‌دی کیم حاضرگچه کمیده 3 مینگ و 900 طالبان محبوسی افغانستان دولتی تامانیدن قوییب یوباریلگن.
شونینگدیک طالبان دولت نینگ کمیده 600 محبوسی نی قوییب یوبارگن.
آمریکا و طالبان گروهی آره‌سیده امضالنگن کیلیشوونامه اساسیده، 5 مینگ طالبان محبوسی افغانستان حکومتی نینگ قماقخانه‌لریدن و شونینگدیک افغانستان امنیتی کوچلریدن 1000 ته‌سی طالبان قماقخانه‌لریدن قوییب یوباریلیشی کیره‌ک.
ایکی تامان محبوس‌لری نینگ قوییب یوباریش پروسه‌سی یکونله‌نگنیدن کیین افغانستان و طالبان گروهی آره‌سیده تینچلیک سوزلشوولری باشله‌نیشی گه قرار قیلینگن.
