افغانستان بوییچه انسان حقوقی ایرکین کمیسیونی، بوگون «سهشنبه، 24- سرطان» میلادی 2020- ییل نینگ بیرینچی آلتی آیی جریانیده قوراللی آتیشمهلر جریانیده تینچ اهالی نینگ قربانلری توغریسیده بولگن ینگی گزارشینی نشر قیلدی.
اوشبو کمیسیون نینگ ایتیشیچه، جاری میلادی ییل نینگ بیرینچی آلتی آیی ده 880 تورلی واقعه ده توپلم شکلده 2 مینگ و 957 تینچ اهالی هلاک و یرهلنگن.
مذکور اداره گه کوره، یوقاریده ذکر ایتیلگن رقم دن بیر مینگ و 213 کیشی هلاک و باشقه بیر مینگ و 744 کیشی یرهلنگن.
انسان حقوقی ایرکین کمیسیون اورین باسری نعیم نظری نینگ ایتیشیچه، میلادی 2019- ییل نینگ بیرینچی آلتی آیی گه نسبتن میلادی 2020- ییل نینگ بیرینچی آلتی آیی ده تینچ اهالی نینگ قربانلری 11% کمهیگن.
جناب نظری گه کوره، اوتگن میلادی ییل نینگ بیرینچی آلتی آیی ده اوروش طرفلرینی آرهسیده یوز بیرگن آتیشمهلرده 3 مینگ و 338 تینچ اهالی هلاک و یرهلنگن ایکن و بو رقم دن 979 تهسی هلاک و باشقه 2 مینگ و 359 تهسی یرهلنگن.
اوشبو رقم گه کوره، جاری میلادی ییل نینگ بیرینچی آلتی آیی ده هر کون اورته شکلده 16 تینچ اهالی و یرهلنگن.
انسان حقوقی ایرکین کمیسیونی نینگ گزارشی اساسیده، میلادی 2020- ییل نینگ بیرینچی آلتی آیی ده قربان بولگن عیاللرنینگ رقمی 297 کیشی گه ییتیشهدی و بو جمله دن 126 تهسی هلاک و باشقه 171 تهسی یرهلنگن.
مذکور اداره نینگ معلوماتی اساسیده، میلادی 2019- ییل نینگ بیرینچی آلتی آیی گه نسبتن میلادی 2020- ییل نینگ بیرینچی آلتی آیی ده بالهلرنینگ قربانلیگی 33% کمهیگن. جاری میلادی ییل نینگ بیرینچی آلتی آیی ده قربان بولگن بالهلرنینگ توپلم رقمی 630 کیشی گه ییتیشهدی و بو جمله دن 225 تهسی هلاک و باشقه 405 تهسی یرهلنگن.
اوشبو اداره نینگ معلوماتی گه کوره، میلادی 2020- ییل نینگ بیرینچی آلتی آیی جریانیده تینچ اهالی قربانلریدن 48.5% طالبان تامانیدن، 26.7% نامعلوم عامللر طرفیدن، 15.5% دولتی کوچلر تامانیدن، 6.3% داعش گروهی تامانیدن و 2.3% خلق ارا کوچلری تامانیدن بولگن.
عین حالده، انسان حقوقی ایرکین کمیسیونی، اوروش طرفلریدن تینچ اهالی گه زیان ییتکزیش دن قول تارتیب و آتیشمهلر جریانیده تینچ اهالی دن سپر صفتیده فایدهلنمسلرینی سورهگن.
