مارشال عبدالرشید دوستم نینگ ایتیشیچه، افغانستان امنیتی کوچلریگه طالبان گروهی‌گه قرشی توخته‌ش کوچی بار دیر.
بوگون "چهارشنبه" جناب دوستم نینگ مارشال‌لیک رتبه‌نی قولگه کیریتیش اوچون جوزجان مرکزی شبرغان شهریده یولگه قویلگن مراسمده ایتیشیچه، افغانستانلیک‌لر ارا سوزلشوولر نتیجه بیرمه‌ی و اوروش دوام قیلگن صورتده، طالبان گروهی نظارتی‌گه بولگن منطقه‌لردن کته بیر بولیمی‌نی قول‌دن بیریب و شکست بیلن دوچ کیله‌دی.
اونینگ تاکید قیلیشیچه، 6 آی فرصت بیریلگن صورتده، طالبان گروهی‌نی شکست بیره‌دی و بوتوغریده آمریکا و ناتو نینگ یاردمی‌گه نیازی یوق.
جناب دوستم نینگ کوپه‌یتیریشیچه، افغانستان حکومتی طالبان محبوس‌لرینی قوییب یوباریش بیلن بو گروه نینگ افغانستانلیک‌لر ارا سوزلشوولر خصوصیده بولگن بهانه‌لرینی یکونلنتیریب و تینچلیک سوزلشوولر باشله‌نیشی‌گه زمینه یره‌تیشی کیره‌ک.
عین‌حالده، ملی مصالحه کینگشی باشلیغی عبدالله عبدالله نینگ بو مراسمده ایتیشیچه، طالبان محبوس‌لری نینگ قوییب یوباریش جریانی یکونلنماقده و قولگن محبوس‌لرنینگ تیزلیک‌که قوییب یوباریلیشی ممکن.
اونینگ ایتیشیچه، طالبان محبوس‌لری نینگ قوییب یوباریش جریانی یکونلنگنیدن سونگ، اولرنینگ افغانستانلیک‌لر ارا سوزلشوولر باشله‌نیشی خصوصیده بولگن بهانه‌لری یکونلنهدی.
ملی مصالحه کینگشی باشلیغی، طالبان تامانیدن زوروانلیک‌لر کوپه‌یشینی قابل قبول بیلمه‌یدی. اونینگ تاکید قیلیشیچه، افغانستانلیک‌لر ارا سوزلشوولر باشله‌نیشی اوچون اساسی قدم‌لر کوتاریلیشی کیره‌ک.
ایتیش کیرهککه، مارشال عبدالرشید دوستم، اوتگن کیچه هم طرفدارلری حضوریده صحبت قیلیب فرصت بیریلگن زمانده، 20 کون جریانیده جوزجان، فاریاب و بادغیس ولایت‌لرینی طالبان وجودی دن تازه‌لشی‌نی بیلدیرگن.
