اوتگن "چهارشنبه" کونی توشدن سونگ، ایران تشقی ایشلر وزیرلیگی نینگ سیاسی اورین باسری سیدعباس عراقچی بیر هیات باشلیغی‌ده کابل‌گه کیلیب افغانستان تشقی ایشلر وزیرلیگی سرپرستی محمدحنیف اتمر بیلن اوچره‌شگن.
تشقی ایشلر وزیرلیگی نینگ بیر خبرنامه آرقه‌لی ایتیشیچه، ایران‌لیک هیات تهرانده افغانستان هیاتی تامانیدن آلینگن قرارنی تیکشیریشی چکه‌سیده، اقتصادی-ترانزیت و دفاعی-امنیتی قوشمه کمیته‌لرنینگ ییغینیده اشتراک قیله‌دی.
خبرنامه‌گه کوره، ایکی تامان ایشلاوچی‌لرنینگ استخدام و افغانستان‌دن ایران‌گه ایشلاوچی یوباریش کیلیشوونامه‌نی نهایی قیلیش و ایکی مملکت چیگره کوچلری نینگ نیاز اساسیگه یاردم بیریش‌لری خصوصیده صحبت قیلگن‌لر.
اوشبو کیلیشوونامه مسوده‌سی افغانستان هیاتی تامانیدن ایران رسمی‌لریگه تاپشیریلگن ایدی.
تشقی ایشلر وزیرلیگی نینگ ایتیشیچه، ایکی تامان افغانستان قاچقین‌لریگه قرشی یوز بیرگن واقعه‌لرنینگ تکرارلنمه‌یشی و ایکی مملکت چیگره‌سیدن ناقانونی شکلده اوتیب قیتیش‌گه توسیق بولیش و شونینگدیک، افغانستان یشاوچی‌لرینی ایران‌گه حضور تاپیش‌لری نینگ قانونی قیلینیشی خصوصیده بحث قیلگن.
اوشبو اوچره‌شووده ایران تشقی ایشلر وزیرلیگی نینگ سیاسی اورین باسری سیدعباس عراقچی، ایکی مملکت آره‌سیده بولگن رابطه‌لر کوچلی بولیشیدن ایشانچ بیریب و افغانستان هیاتی تامانیدن ایران رسمی‌لریگه تاپشیریلگن قرار تیکشیریلیشی نی بیلدیرگن.
افغانستان تشقی ایشلر وزیرلیگی نینگ سرپرستی محمدحنیف اتمر، اوشبو اوچره‌شووده ایران‌گه قیلگن سفریده بولگن توافقات‌لر تیکشیریلیشی اوستیگه تاکید قیلگن.
