ملی مدافعه وزیرلیگی نینگ بیر خبرنامه آرقه‌لی اعلان قیلیشیچه، هرات ولایتی نینگ گذره تومنیده امنیتی کوچلر تامانیدن اویوشتیریلگن هجوم عاقبتیده، تینچ اهالی تلفاتی خصوصیده بولگن ادعالر جدی شکلده تیکشیریله‌دی و تیکشیریش نتیجه‌سی اهالی و میدیالر بیلن شریک قیلینه‌دی.
خبرنامه‌ده کوپه‌یتیریلیشیچه، افغانستان یشاوچی‌لری نینگ جان و مال‌لریدن حفاظت قیلیش مسوولیتی امنیتی و دفاعی کوچلر بوینیگه دیر و بوتوغریده سعی و حرکت قیله‌دیلر.
باشقه تاماندن افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد نینگ توییتر صحیفه‌سیده یازیشیچه، اوتگن 24 ساعت جریانیده زوروانلیک‌لر کوپه‌یگن و کوپ قطار کیشی‌لر قربان بولگنلر.
اونینگ ایتیشیچه، هرات واقعه‌سیدن ترقه‌تیلگن گزارش‌لر و صورت‌لرگه کوره، افغانستان هوایی کوچلری تامانیدن اویوشتیریلگن عملیات عاقبتیده، باله‌لر شامل کوپ قطار تینچ اهالی قربان بولگن. جناب خلیلزاد بو واقعه تیکشیریلشی‌دن حمایت قیلیشی‌نی بیلدیرگن.
افغانستان تینچلیک لایحه‌سی بوییچه امریکا خاص نماینده‌سی نینگ کوپه‌یتیریشیچه، افغانستان یشاوچی‌لر تینچلیک سوزلشوولر باشله‌نیشینی ایسته‌یدیلر، بیراق تلفات کوپه‌یشی تینچلیک سوزلشوولرگه توسیق بوله‌دی.
اوتگن کونی هرات ولایتیده امنیتی کوچلر تامانیدن اویوشتیریلگن ایکی هوایی هجوم عاقبتیده، طالبان 6 ییریک اعضاسی شامل 40 کیشی هلاک ایتیلگن.
طالبان گروهی نینگ بیر اعلامیه آرقه‌لی ایتیشیچه، مذکور واقعه‌ده قربان بولگنلر تینج اهالی دیر.
