1377- ییل 17 اسد بلخ ولایتی نینگ چمتال تومنیده قربان بولگنلرنینگ عایله اعضالری، اوشبو قتللرنینگ عامللری جزالنتیریلیشینی ایستهگنلر.
1377- ییل 17 اسد ده طالبان جنگریلری بلخ ولایتی نینگ چمتال تومنی یشاوچیلریدن 71 تهسینی گروهی شکلده اولدیریب و جسدلریدن تپه توزهتگنلر. مذکور واقعهدن 2 دهه اوتماقده، بیراق قربان بولگنلر عایله اعضالری نینگ ایتیشیچه، بو واقعه عامللریدن هیچبیری جزالنتیریلمهگن.
اوشبو جنایتده قربان بولگنلردن بیرقطاری نینگ عایله اعضالری، اقاربلری نینگ 22- ییل اولدیریلیشیدن ایسلش مقصد مزارشریف شهریده توپلهنگنلر. اولر دولتدن اوشبو جنایتده قوللری بولگن طالبانی جزالنتیریلیشینی طلب قیلگن.
مذکور جنایتده قربان بولگنلرنینگ عایله اعضالری، بو حادثه عامللرنی جزالنتیریلیشینی ایستهگن بیر چاغده، افغانستان حکومتی قماقخانهده بولگن 400 طالبنی قوییب یوباریلیشی خصوصیده قرار قیلیش اوچون تینچلیک بوییچه مصلحتی لویهجرگه اوتکزگن. اوشبو جرگه اعضالری طالبان محبوسلری نینگ قوییب یوباریلیشی خصوصیده قرار قیلهدیلر.
قربان بولگنلرنینگ عایله اعضالرینی تاکید قیلیشیچه، افغانستان یشاوچیلری نینگ اولیمیگه سبب بولگن محبوسلرنی قوییب یوباریلمهیشلری کیرهک.
اولرنینگ ایتیشیچه، اوروش جنایتلری و بشریتگه قرشی جنایت قیلگن طالبانی قوییب یوباریلیشی قربان بولگنلر و مملکت یشاوچیلریگه قرشی توهین دیر.
طالبان جنگریلری 1377- ییلده بلخ ولایتی نینگ چمتال تومنی یشاوچیلریدن کمیده 360 تهسینی اولدیرگن و بیر مورد ده عیاللر، بالهلر و آقسقاللر شامل 71 کیشی طالبان تامانیدن اوققه توتیلیب و گروهی شکلده توپراققه قوییلگن.
