ناتو باش کاتبی ینس ستولتنبرگ، افغانستان ییریک مقام‌لری بیلن تلفون آرقه‌لی صحبت اوتکزیب افغانستانلیک‌لر ارا سوزلشوولر خصوصیده بولگن سعی و حرکت‌لرنی خوش قرشی‌لگن.
اونینگ اوتگن "دوشنبه" کونی شام چاغیده، توییتر صحیفه‌سیده یازیشیچه، افغانستان جمهور رئیسی محمداشرف غنی و عالی مصالحه کینگشی باشلیغی عبدالله عبدالله بیلن تلفون آرقه‌لی، افغانستانلیک‌لر ارا سوزلشوولر خصوصیده بولگن یوتوق‌لر توغریسیده صحبت اوتکزگن.
ناتو باش کاتبی نینگ ایتیشیچه، اوروش طرف‌لری نینگ اوشبو تاریخی فرصت‌دن افغانستانده تینچلیک تامین‌لنیشی اوچون فایده‌لنیشی کیره‌ک.
جناب استولتنبرگ نینگ کوپه‌یتیریشیچه، افغانستانده ناتو نینگ تروریسم‌گه قرشی کوره‌شیش‌لری دوام قیله‌دی. ناتو باش کاتبی نینگ ایتیشیچه، ناتو افغانستانده‌گی حضورینی تینچلیک جریانیدن حمایت قیلیش خصوصیده تنظیم قیله‌دی.
جمهور رئیس غنی، تینچلیک بوییچه مصلحتی لویه‌جرگه قراریدن سونگ، اوتگن "دوشنبه" کونی کیچ قورون طالبان 400 محبوسی نینگ قوییب یوباریلیش فرمانی‌نی امضا قیلگن.
طالبان 5000 محبوسی نینگ قوییب یوباریلیش جریانی تکمیل ایتیلگنیدن سونگ، افغانستانلیک‌لر ارا سوزلشوولرنینگ قطر ده باشله‌نیشی ممکن.
