طالبان گروهی بیر اعلامیه ترقهتیب ایتیشچه، «مستند و استخباراتی معلومات» اساسیده داعش گروهی پلچرخی قماقخانهسیدن قوییب یوباریلهدیگن مذکور گروه محبوسلریگه قرشی هجوم اویوشتیریش نیتیده دیر.
نیچه ساعت آلدین طالبان گروهی تامانیدن نشر قیلینگن اعلامیهده کیلیشیچه، داعش گروهی افغانستان ملی خوفسیزلیک ریاستی و پلچرخی قماقخانهسی نینگ پولیس قومندانلیگی نی همکارلیگی بیلن بو هجوم نی اویوشتیریشی ممکن.
طالبلرنینگ ایتیشیچه، بو گروه اعضالریگه هجوم قیلیشدن مقصد، تینچلیک پروسهسی نینگ تخریب قیلیش دیر.
طالبان گروهی تامانیدن بوندهی بیر اعلامیه نشر ایتیلگن بیرحالده، افغانستان دولتی نینگ مذاکره قیلهدیگن هیأتی باشقه ایکی کون گچه دوحه کیتیشی گه قرار قیلینگن.
بوگون ایرتهلب افغانستان دولتی تامانیدن مذاکره قیلهدیگنلردن بیری نینگ ایتیشیچه، افغانستانلیکلرارا سوزلشوولر ۱۸- اگست یولگه قوییلیشی ممکن. اونینگ کوپهیتیریشیچه، شونینگدیک بو موضوع طالبان گروهی بیلن شریک قیلینگن.
عین حالده، اوتگن کون طالبان سوزلاوچیلریدن بیری ذبیحالله مجاهد رسانهلردن بیری گه صحبت بیریب ایتیشیچه، افغانستانلیکلرارا سوزلشوولر باشلهنیشی گه بوتون تیارگرلیکلری بار و سوزلشوولر ۴۰۰ محبوس بوتونلی قوییب یوباریلگنیدن کیین باشلهنیشی ممکن.
اونگه کوره، مذاکره سِرلی شکلده یولگه قوییلیشی ممکن. چونکه دشمنلر بو پروسه نینگ قیینچیلیککه دوچ قیلیشی نی احتمالی بار. او آچیق شکلده بیرار کیشی یا گروهدن تینچلیک پروسهسی نینگ دشمنلری صفتیده ایسلمهگن.
افغانستان دولتی طالبان گروهی نینگ بو اعلامیهسی حقیده حاضرگچه هیچ بیر نرسه دیمهگن.
