بامیان امنیتی مسووللری نینگ ایتیشلریچه، بامیان ولایتی نینگ یکهاولنگ تومنیده بیر عیال کیاوی تامانیدن اولدیریلگن.
بامیان پولیس قومندانلیگی سوزلاوچیسی رضا یوسفی نینگ سلاموطندارگه ایتیشیچه، اوشبو واقعه ایکی کون آلدین یکهاولنگ تومنی نینگ «بکک» منطقهسیده یوز بیرگن.
اونینگ ایتیشیچه، بو واقعه خصوصیده کیاو شامل 3 کیشی پولیس تامانیدن قولگه آلینگن.
بیراق، امنیتی منبعلردن بیری نینگ کیملیگی سیرقالیشنی ایستهب سلاموطندارگه ایتیشیچه، «قلعه نو» و «بکک» منطقهسی نینگ عیاللری عاشورا نذری اوستیگه جنجل قیلگنلر و نتیجهده مذکور قیشلاقلر نینگ ایرککلری هم جنجل گه قوشیلگنلر.
منبع نینگ کوپهیتیریشیچه، کیاوی نینگ اوز اظهاراتیده ایتیشیچه، اوشبو عیال روانی قیینچیلیگی بولگنی سبب، پیشانیسیگه تاش بیلن اوریب اوزینی اولدیرگن.
بامیان امنیتی مسووللری نینگ ایتیشلریچه، اوشبو ایکی عایله بوندن آلدین هم بیربیراوی بیلن جنجل قیلگن ایکنلر.
