داکتر عبدالله رهبرلیگیده سابق اجراییه ریاستی ایشلاوچی‌لریدن قطاری نینگ ایتیش‌لریچه، جمهورلیک ریاستی نینگ تحلیف مراسمی یولگه قوییلگندن کیین، اَیریم دلیل‌لر باعث حاضرگچه حقوق‌لرینی قولگه کیلتیرمه‌گنلر.
آتی فاش ایتیلیشی نی ایستمه‌گن سپیدار نینگ سیاسی ایشلاوچی‌لریدن بیری سلام‌وطندارگه صحبت بیریب ایتیشیچه، تحلیف مراسمی‌دن کیین سپیدار نینگ سیاسی ایشلاوچی‌لریدن قطاری نینگ آیلیک‌لری بیریلمه‌گن.
او، سپیدارنینگ قطار ایشلاوچی‌لرینی آیلیک‌لری تولنمه‌سلیگی سببی نی اجراییه ریاستی لغو ایتیلگنی دیب ایتیشیچه، حاضر اجراییه ریاستی ایشلاوچی‌لریدن قطاری مصالحه عالی کینگشی نینگ چهارچوبه‌سیده بی معاش ایشله‌یدیلر.
شونینگدیک باشقه بیر منبع آتی قاش ایتیلیشی نی ایستمه‌ی سلام‌وطندارگه ایتیشیچه، اجراییه ریاستی نینگ اداری ایشلاوچی‌لری مصالحه عالی کینگشی نینگ ینگی تعییناتی نی کوتیب تورگنلر، بیراق قطار کیشیلر مصالحه عالی کینگشی نینگ رهبرلیگی تامانیدن قطار ریاست‌لرگه تانیشتیریلگن.
منبع گه کوره، سپیدار تامانیدن مصالحه کینگشی نینگ ریاست‌لریگه تانیشتیریلگن کیشیلر معاش‌لرینی قولگه کیلتیره‌دی.
مصالحه عالی کینگش دفتری باشلیغی قهار عابد بو موضوع نی تصدیق‌لب ایتیشیچه، اجراییه ریاستی نینگ رسمی ایشلاوچی‌لری نینگ ایشی، تحلیف مراسمی دن کیین جمهوررئیس نینگ بویروغی اساسیده یکونلنگن.
جناب عابد گه کوره، اجراییه ریاست ایشلاوچی‌لری نینگ معاش‌لری مقررات اساسیده تیزلیککه حل بوله‌دی و دولت اونینگ توله‌ش گه متعهد دیر.
جمهورلیک ریاستی نینگ تحلیف مراسمی اوتگن ییل ۱۹- حوت ده یولگه قوییلدی و شونینگدیک عبدالله عبدالله هم سپیدار گه تحلیف مراسمی اوتکزدی.
