ناتو و رسمی مسکو نینگ بلند مرتبه‌لی رسمیلری ایکی کون آلدین (22سرطان) افغانستان تینچلیک لایحه‌سیدن حمایتلرینی اعلان قیلدی. اوشبو قوشمه ییغین ده ناتو همده رسمی مسکو نماینده‌لری افغانستان‌ده امنیت تامین بولیشی بیلن منطقه‌ده برقرارلیک تامین بوله‌دی دیگنلر.
رسمی مسکونینگ ناتوده گی دایمی نماینده‌سی الکساندر کروشکو اوشبو اولتیریش‌ده ناتو و مسکو ترورچی گروهلر افغانستان‌ده باشقه دولتلرگه اوتمس لیگی اوچون رخصت بیرمه‌یدی دیدی. او، ییغین‌ده ناتودن افغانستان‌گه کوپراق همکارلیک بولیشنی سوره‌گن.
افغانستان تشقی ایشلر وزیرلیگی نینگ سوزلاوچیسی شکیب مستغنی افغانستان تینچ لیک لایحه‌سی ناتو همده رسمی مسکو آرقه‌لی حمایت بولگن لیگینی خوش قرشیله‌گن. بو مملکتلرنینگ افغانستان تینچ لیک لایحه‌سی حمایت بولیشی آلقیش‌گه سزاوار دیگن مستغنی. ساحه نینگ متخصصلری هم افغانستان تینچ لیک لایحه‌سی روسیه و ناتو آرقه لی حمایت بولگن لیگینی رسمی کابل فایده سیگه دیدیلر.
سیاسی تحلیلچی جاوید غفور، افغانستان نینگ ترورچیلر مقابلیده شکست گه روپه ره بولیشی ناتو شکستی ییشی معنیسیده دیگن. افغانستان منطقه اوچون مهم دیدی او.
سیاسی تحلیلچی انتظار خادم، ناتو و رسمی مسکو افغانستان تینچ لیک لایحه‌سینی حمایت قیلگن لیگی ایجابی بیر آدیم حسابلنه‌دی ددیی. اما، اونینگ تعبیریچه بو مساله ایسه قوراللی طالبلرنی حمایت قیلمسلیک معنی ده ایمس.
بوندن آلدین بار – بار نشر بولگن گزارشلرده رسمی مسکو قوراللی طالبلرنی حمایت قیلگن لیگی ادعا ایتیلگن.
