.jpg)
غور ولایتیده داعش گروهی 9 تینچ اهالینی اوزی بیلن آلیب کیتگن. غور محلی رسمیلرینینگ ایتیشیچه، اوتگن کون کیچ قورون مذکور ولایت نینگ مرغاب منطقهسیده داعش جنگریلریدن 2 تهسی هلاک و باشقه 3 تهسی یرهلنگنی سبب اوشبو گروه 9 تینچ اهالینی گروگه آلگن.
غور حاکمی سوزلاوچیسی عبدالحی خطیبینینگ سلاموطندارگه ایتیشیچه، داعش گروهینینگ مذکور 5 اعضاسی اوتگن کون یول یانیده ییرلشتیریلگن ماین پارتلهشی عاقبتیده هلاک ایتیلیب و یرهلنگن. بیراق داعش جنگریلری 9 تینچ اهالینی بو ایشگه عیبلب اوزی بیلن آلیب کیتگن.
اونگه کوره، گروگه آلینگنلرنینگ برچهسی مرغاب منطقهسی بردیز قیشلاغینینگ اصلی یشاوچیلری بولگن و داعش اولرنی رقسکن قیشلاغیدهگی قرارگاهلریگه انتقال بیرگن.
اوشبو خبرنی تصدیقلگن غور امنیتی رسمیلرینینگ ایتیشیچه، حاضرگهقدر گروهگه آلینگنلرنینگ تقدیریدن خبر سیزلر.
غور محلی رسمیلریگه کوره، اوشبو ولایتنینگ مرکزی فیروزکوه شهرینینگ شمالیده داعش گروهی اوسمیرلر، یاشلر و عیاللردن عسکر آلیب حربی تعلیمات و تبلیغ قیلیش ایشلری بیلن مشغول بولگن.
