نورستان ولایتی وانتوایگل تومنی نینگ مسووللری، تومنده طالبان آرقهلی اوروش یوز بیریش احتمالی باعث 6 مکتبنی تعطیل قیلگنلیکلرینی ایتهدیلر.
اولرنینگ ایتیشیچه، حاضر تومن قوراللی طالبان آرقهلی قورشاوگه آلینگن.
نورستان ولایتی وانتوایگل تومنینینگ حاکمی رحمتالله رحمتینینگ سلاموطندارگه ایتیشیچه، جنگری طالبان کون – ساین اوتیشی بیلن تومننی قمرهب آلهدی و مرکز حکومت ایسه هنوزگچه مساله توغریسیده هیچ قندهی اعتبار قرهتمهگن.
جناب رحمتی، وانتواگل تومنی قوراللی طالبلر کنترولیگه اوتیشی بارهسیده آگاهلنتیریگن. خوفسیزلیک تهدیدلر باعث ایکّی هفتهدن بیری آلتی مکتبنی تعطیل قیلگنمیز دیگن جناب رحمتی.
تومن نینگ حاکمی، قوراللی طالبلر کنر ولایتی نینگ بعضی حدودلریدن نورستان ولایتیگه هجوم قیلگنلر دیگن. لیکن، هنوزگچه امنیتی رسمیلر موضوع بارهسیده بیفرق قالماقدهلر دیدی.
نورستان معارف ادارهسی نینگ سرپرستی محسن، ولایت نینگ تومنیده آلتی مکتب قیسقه مدت اوچون تعطیل بولگن دیگن.
اونینگ سوزلریگه کوره، وانتوایگل تومنیده اوچ ییلدن بیری قیزلر و ایرکک بالهلرنینگ 2 مکتبی اوقوچیلر یوزیگه یاپیب قوییلگن دیگن.
نورستان ولایتی ولایت کینگشی نینگ رییسی سعداللهپایندهزوی، ولایت نینگ تومنلریده مکتبلر ایشیگی اوقووچیلر یوزیگه یاپیلگن لیگی خصوصیده خواطر بیلیدیریب، دولتدن تومن امنیتی تامین بولیشی اوچون تفاوتسیز قالمس لیگینی سورهگن.
ایتیلیشیچه، نورستان ولایتی نینگ وانتواگیل تومنی سونگی 5 ییل جریانیده 3 مرته قوراللی طالبلر قولیگه اوتگن. شونینگدیک ولایت محلی رسمیلری نورستان مرکزی پارون هم تهدیدلرگه روپه ره دیگنلر.
