.jpg)
صفتلی اورگهتیش اورگهنیشنی حمایت قیلهدیگن جنبش معارف وزیرلیگی همکارلیگی بیلن مملکت نینگ 21 ولایتیده صفتلی تعلیم عملی بولیش لاحیهسینی باشلهدی.
صفتلی اورگهتیش و اورگهنیشنی قوللب قوتلهیدیگن حرکت نینگ مسووللری، معارف تیزیمی سیاسی بولگنلیگینی تنیقید آستیگه آلگنلر. بولر ملی بیرلیک حکومتیدن اورگهتیش و اورگهنیش لایحهنی ایش برنامهلرینینگ بیرینچیسی اولهراق قبول قیلیشنی سورهگنلر.
عین حالده، معارف وزیرلیگی نینگ مسووللری، صفتلی اورگهتیش و اورگهنیش لایحهسی یولگه قوییلگنلیگینی خوش قرشیلیب، اوقیتیش جریانیده بعضی بیر معمالر بارلیگینی اعتراف ایتگنلر.
اما رسمیلر، وزیرلیک تعلیم و تربیه اوچون ینگی برنامهلر انابتگه آلگنلیگینی هم معلوم قیلگنلر.
صفتلی اورگهتیش و اورگهنیشنی حمایت قیلهدیگن جنبش یکشنبه کون باشلهگن لایحهسیده مملکتده اوقیش و اوقیتیش صفتینی یوقاری کوتاریش مقصده حرکت قیلهمیز دیگن.
بو کمپاین اوتکزیلیشیدن بیرینچی نیت بوتون مملکت اهالیسیگه تیکین صورتده صفتلی اورگهتیش و اورگهنیش توغریسیده همکارلیک قیلهدی.
صفتلی اورگهتیش و اورگهنیشنی حمایت قیله دیگن حرکت نینگ مسوولی رحیم جامی، تعلیم و تربیه ساحهسیده حکومت نینگ اونچهلیک اعتبار قرهتمسلیگینی تنقید آستیه آلگن.
.jpg)
او، تعلیم و تربیه حکومت بجرهدیگن ایشلرینینگ بیرینچیسی بولیشی کیرهک اوستیده علیحده تاکید ایتگن.
شونینگدیک جناب دانش، ملی بیرلیک حکومتیدن تعلیم و تربیه صفتی آشیریلیشی مقصدیده معارفنی سیاستدن ایری توتیشنی طلب قیلگن.
شونینکدیک معارف وزیرلیگی نینگ اورگهتیش بولیمی اورین باسری محمد ابراهیم شینواری صفتلی اورگهتیش واورگهنیش کمپاینی یولگه قوییلگن لیگینی خوش قرشیلیب، مملکت بویلب خوفسیزلیک میزانی آشیشی تعلیم وتربیه ساحهسیده سلبی تاثیر تشلهگن دیدی.
جناب شینواری، معارف وزیرلیگی اورگهتیش و اورگهنیش صفتی آشیریلیشی اوچون سعی وحرکت قیلیشی توغریسیده ایشانچ بیرگن. بعضی بیر لایحهلر عملی بولیش بیلن بو ساحهده گی بیر قنچه قیینچلیک حل ایتیلهدی دیدی شینواری.
مسلکی اوقیتووچلر یوق لیگی همده کتابلرنی ترقهتیش خذمتلری درست بولمهگن لیگی معارف وزیرلیگی نینگ قرشیسیده تورگن ییریک معمالردن حسابلنهدی دینگن جناب شینواری.
اورگهتیش و اورگهنیش خلق ارا کمپاینی دنیا بولیب یوزلب تشکیلات نینگ اعضالیگی بیلن وجودگه کیلگن. افغانستان هم بو تشکیلاتگه اعضالیک قیلهدی. بو لایحه هر ییلده 112 مملکتده اوتکزیلهدی.
