تینچ اهالی تلفاتی جاری ییل‌نینگ بیرینچی 3 آییده اوتگن ییل‌نینگ بیرینچی 3 آییگه قره‌گنده تورت فایز کمه‌یگن.
بیرلشگن ملتلر تشکیلاتی نینگ افغانستان‌ده‌گی وکالتخانه‌سی (یوناما) بوگون میلادی 2017- ییل بیرینچی 3 آی نینگ تینچ اهالی تلفاتی توغریسیده‌گی گزارشینی نشر قیلدی. یونامانینگ تعبیریچه، ترقه تیلگن رقم ایسه مملکت بویلب تینچ فقرانینگ تلفات میزانی آشگن لیگینی کورسته‌دی.
افغانستان اوچون بیرلشگن ملتلر تشکیلاتی نینگ مخصوص نماینده‌سی تدامیچی یاماموتو، برچه اوروش تامانلریدن تینچ اهالیگه تلفات ییتکزمسلیک اوچون جدی اعتبار قره‌تیشلرینی سوره‌گن.
اوشبو گزارش نینگ رقمیگه قره‌گنده، اوروشلر جریانیده 2181 تلفات واقعه‌سی یوز بیرگن جلمه‌دن 751 اولدیریش و 1466مورد جراحت معلوم قیلینگن.
بیرلشگن ملتلر تشکیلاتی نینگ بیلدیریشیچه، ییر توقنشوولر جاری ییل نینگ بیرینچی 3 آییده تینچ اهالیگه آغیر تلفات بیریلگن لیگی نینگ اساسی عامل سنه‌له‌دی.
حال بوکه اورنه تیلگن ماین پارتلشی و گروهی انتحاری هجوم ترتیب اساسیده تینچ اهالی نینگ تلفات سانی آشیشی اوچون باشقه عامل حسابلنه‌دی.
2007، 2011، 2015 و 2017 ییلرنینگ بیرینچی اوچ آییده‌گی تینچ اهالی تلفات میزانی
بیرلشگن ملتلر تشکیلاتی، میلادی 2016- ییل مملکت نینگ ایریم نا برقرار منطقه‌لریدن سابقه‌سی بولمه‌گن روشده تینچ اهالی یشش اویی جایینی ترک قیلیب تینچ فقرانینگ تلفاتی کمه‌یگن لیگی باعث بولگن دیگن. ییر توقنشوولری تینچ اهالی تلفاتی نینگ 35%نی تشکیل قیله‌دی.
افغانستان‌ده بیرلشگن ملتلر تشکلاتی نینگ نماینده‌لیگی، جغرافیه‌وی نقطه نظردن انتحاری هجوملر نتیجه‌سیده اینگ آغیر تلفاتنی کابل‌ده حیات کیچیره دیگنلر کورگنلیگینی معلوم قیلنگن.
ترتیب اساسیده هلمند، قندهار، ننگرهار و ارزگان تینچ اهالی تلفاتی کوپ بولگن ولایتلردن حسابلنه‌دی.
بو تشکیلات نینگ ایتیشیچه، عادی اهالی نینگ 62% تلفاتی 1353حادثه (447 اولدیریش و 906 یره‌لنگن) واقعه‌لرینی دولت قوراللی مخالفلری بجرگن.
شونینگ اوچون بو رقم 2016- ییل نینگ عین زمانیده بیلن سالیشتیریلگن حالده قیلگن 5 % آشگن لیگینی کورسته‌دی.
یوناما، دولت قوراللی مخالفلری هنوز هم تینچ اهالینی هجوم آستیگه آلیش اوچون آلیب باره دیگن سعی حرکتی‌گه دوام بیرمقاده دیگن. عین حالده، تشکیلات‌نینگ اورگن گزارشیده دولت قوراللی مخالفلری قوم بویوکلری، مسجدلر، شیعه مذهبلی لر، ماین تازه‌لش، نا دولت اداره‌لرنینگ ملازملری و تینچ اهالینی ایسه دولتنی حمایت قیلگن لیک عیبی بیلن اولدیریگن دیگن.
«قوراللی منازعه‌لرده تینچ اهالینی اَته‌یین اولدیریش و یره‌لنتیریش اوروش جنایتی حسابلنه‌دی» دیگن تدامیچی یاماموتو.
ایریم نرسه‌لرگه جایلشتیریلگن پارتلاوچی ماده‌لر تینچ اهالینی هلاک ایته‌دیگن ایکینچی عامل حسابلنه‌دی دییلگن بی‌می‌تی نینگ گزارشیده.
گزارش نینگ باشقه بیر بولیمیده، 374 انتحاری و گروهی هجوم عاقبتیده تینچ اهالیگه توپلم 17 % جانی تلفات بیریلگن.
شونینگدیک هوادن اوتکزیلگن هجوملرده هم عادی اهالیگه تلفات ییتکزیش ینه بیر عامل ایکن لیگینی معلوم قیلگن بیرلشگن ملتلر تشکیلاتی. 148 واقعه‌ده 72 اولدیریش و 76 یر‌لنتیریش. بو توغریده بیرلشگن ملتلر تشکیلاتی مارچ آیی نینگ اوچینچیسی‌ده فراه ولایتیده اویوشتیریگن هجومده 7 گودک داخل 24 کیشی قربان ایتیلگن لیگی‌گه هم اشاره قیلگن.
بو گزارش‌ده، ییرگه اورنه تیلگن ماین پارتلشی نتیجه‌سیده 50 انسان قربان بولگنی و 153 ایسه تن جراحتی آلگن باره‌سیده هم اشاره بولگن. بو نینگ 81% بلاغت‌گه ییتمه گن گودکلر تشکیل ایته‌دی.
یوناما بلاغت‌گه ییتمه‌گن گودکلر همده عیاللر تلفاتی خصوصیده هم تشویش بیلدیرگن. تشکیلات عیاللر تلفاتی نینگ سانی 24% آشگن لیگی خصوصیده هم اشاره قیلگن. بو رقم نینگ آشیشی‌گه اساسی عامل هوا عملیاتی ینه انتحاری هجوملر باعث بولگنی قید ایتیلگن گزارش‌ده.
جاری ییل نینگ بیرینچی 3 آییده یوناما باله‌لرگه قره‌شلی 735 واقعه نی رویخطگه آلگن. 210 باله نینگ قربان ایتیلیشی و 525 باله نینگ تن جراحت آلیشی اوتگن ییلگه قره‌گنده بلاغت‌گه ییتمه‌گن گودکلرنینگ تلفات سانی 3 برابر آشگن لیگینی کورسته‌دی.
یونامان نینگ انسان حق و حقوقی بیلن مشغول بولیمی نینگ مسوولی دانیل بل: «بلاغت‌گه ییته گن گودک تلفاتی نینگ 17% آشیشی تینچ اهالی تلفات ییتکزمس لیکده اوروش تامانلرینی مساله توغریسیده اعتبار بیرمه‌گن لیگیدن کیلیب چیقه‌دی» دیگن.
گزارش نینگ کورسه‌تیشیچه، میلادی 2017- ییل مارچ آیی نینگ 1-سیدن 31بیریگه قدر قوراللی 17 حادثهنی رویخطگه آلگن. بونده مرکزلر همده کلینکلرنینگ ملازملری هجوم آستیگه آلینگن. جلمه‌دن سردارمحمد داوود خان شفاخانه‌سیده اویوشتیریلگن هجوم مسوولیتینی داعش توده‌سی ذمه‌سیگه آلدی. اوشبو قانلی هجومده 26 تینچ اهالی قربان بولیب 30 کیشی ایسه یره‌لگن ایدی.
